निसर्ग

केतकीच्या बनातून
धूसरल्या संध्याकाळी
सळसळत येणाऱ्या
अचपळ नागिणीचा
नागमोडी डौल घ्यावा

काजव्यांनी ओथंबल्या,
झपाटल्या झाडाखाली
अंधाराला अव्हेरून
उजेडाचा कौल घ्यावा

भणाणत्या वाऱ्यावर
वेळूवनी उमटल्या
सात सुरांचा कल्लोळ
रोमरोमी झंकारावा

ऐन भरातल्या रात्री
स्फटिकाच्या तळ्याकाठी
ओंजळीत काठोकाठ
चांदण्याचा सडा घ्यावा

रातव्याची गूढ साद
भवताली कोंदताना
अदृष्टाचा पायरव
एकाएकी थबकावा

उगवतीच्या भांगात
तांबडफुटीचे कुंकू
भरताना आसमंत
किल्बिलत जागा व्हावा

हा धागा झाडे, पाने, फुले, फळे ह्यांची प्र. चित्रे, त्याविषयीची काही माहिती किंवा किस्से यांसाठी.

वर्षा चा पक्षांचा धागा बघताना जाणवलं की अशी झाडांची आणि अर्थात त्याबरोबर पानं , फुलं, फळ यांचाही एखादा एकत्रित साठा असेल तर..
बऱ्याच धाग्यांवर. कारण कारणाने अनेक जण असे फोटो / माहिती शेअर करत असतात.

**"

सेंट लुईस च्या बोटॅनिकल गार्डन मध्ये घेतलेले काही फोटो.

अंजनवेलमधील निसर्गाचे नयनरम्य अविष्कार!

✪ दोन धूमकेतू सध्या छोट्या टेलिस्कोपने बघता येतात
✪ धूमकेतू C/2025 A6 (Lemmon)- १३९६ वर्षांनी भेटायला आलेला पाहुणा!
✪ सब्र का फल मिठा- अखेर झाले मोकळे आकाश!
✪ अंजनवेलमधला निसर्ग- ढग, पाऊस आणि दवाचा पाऊस
✪ निरव शांततेत ओढ्याची कोसळधार, नितळ आकाश आणि तारेच तारे
✪ सितारों की महफील में कर के इशारा
✪ धुक्याच्या दुलईत पहुडलेले पर्वत
✪ विविधरंगी फुलांचा बहर आणि सह्याद्रीची श्रीमंती
✪ अंजनवेलमध्ये धूमकेतू निरीक्षण सत्र आणि मुलांसाठी हिवाळी शिबिर

जसे मला हवे तसे जगायचेच राहिले
वसंत येत राहिला, फुलायचेच राहिले

अजिंक्य एकलव्य मी कुणास शौर्य दाखवू
खुशाल अंगठा दिला, लढायचेच राहिले

इथेच तू इथेच मी तरी अपूर्ण भेट का
नशीब आपले कसे फळायचेच राहिले

खट्याळ दुःख खेळते लपाछपी खट्याळशी
समोर येत सांगते लपायचेच राहिले

बघून जा चितेवरी मला प्रिये निवांत तू
दिसेल प्रेम आपले जळायचेच राहिले

बागेची आवड असूनही जागेअभावी बाग लावणे शक्य होत नाही अशावेळी दुधाची तहान ताकावर भागवावी तसे आपण कुंडी, ग्रो बॅग, बाटली इ. मध्ये एखादे तरी झाड आपण लावतो. अशीच गच्चीवर परसबाग करायचा प्रयत्न केलाय..
चुकांतुन शिकत, पड़ता धडपड गेल्या 3 महिन्यांत छोटीशी परसबाग उभी राहिली. मायबोलीवर अनेक विषयातील जाणते आहेत. अनेक निसर्गप्रेमी आहेत. म्हणून याविषयावर लिहावे आपली छोटीशी बाग त्यातून मिळणारा आनंद इथे शेअर करावासा वाटला.
मायबोली च्या इतर सदस्यांनी सुद्धा आपले अनुभव, आठवणी, अभिप्राय शेअर केल्यास आवडेल.
बागकामाचा श्री गणेशा

नमस्कार! काल रात्रीच्या चंद्रग्रहणाचा अनुभव अविस्मरणीय होता. सुरूवातीला ढग आणि पाऊस! त्यामुळे "संपेल ना कधी हा खेळ (ढगांच्या) सावल्यांचा" असं वाटत होतं. चंद्राला आधी ढगांचं ग्रहण लागलं होतं. दोन टेलिस्कोप व बायनॅक्युलरसह आम्ही मित्र तयार होतो. पण ढग होते. ढगात असतानाच चंद्र पृथ्वीच्या उपछायेत जाऊन ग्रहणाची सुरूवात झाली. पण सूर्य इतका तेजस्वी आहे की, तो अंशत: झाकला गेला तरी चंद्राच्या तेजात लक्षात येईल असा फरक पडत नाही. नंतर जेव्हा चंद्राने पृथ्वीच्या मुख्य सावलीत प्रवेश केला (सूर्य पूर्णपणे पृथ्वीच्या आड गेला) तेव्हा मात्र चंद्राची कडा काळी झालेली दिसली. पण सतत ढग होते.

कथा सर्वांना परिचित अशी आहे. मी फक्त शशक मध्ये मांडलेली आहे.
-------------------------------------------------------------------------------------------------------------
शेतकर्‍याला एकदा गरुडाचे पिल्लू सापडते. तो कोंबड्यांच्या कळपात सोडतो. गरुड वाढू लागतो, कोंबड्यांसारखाच चालू लागतो, दाणे टिपु लागतो. पण त्याला नेहमी वाटत रहाते - अन्य कोंबड्यांसारखा आपल्याला का नाही कलकलाट करता येत, आपल्याला का नाही दाणे टिपायला आवडत, कसली बेचैनी सतत आपल्याला जाणवते.

सुगंधित श्रावण

टपटपणारी पहाटवेळी देठीची पोवळी
झिरमिळ भाळी शुभ्र पाकळी गंधखुळी कोवळी

शुभ्रतुर्‍यांनी लगडून गेली पाचूची पैठणी
सजली कुंती दरवळणारी धुंदगंध देखणी

जुळ्या सावळ्या जाईजुईही रोमांचित साजणी
रातराणी ती सांडून देई भुईवरती चांदणी

शुभ्र तलम पाकळी लवलवे हिरव्या पानातूनी
गुच्छ अवतरे सोनटक्याचा करांजुळी उघडुनि

अवखळ श्रावण घेई गिरकी रेशिमसा न्हाऊनि
चमकून खाली उन्हे पहाती मेघ बाजू सारुनी

श्रावण पक्षी

हलके हलके पानांवरती
थेंबांची ती नाजुक नक्षी
सरसर सरसर झाडांवरती
बरसत येतो श्रावण पक्षी

घनघन घनघन निळ्या आकाशी
अवचित येता मेघ अंबरी
झळझळणार्‍या रवी करांनी
पात उजळते मस्त बिलोरी

सळसळणारे शिवार थबके
क्षणात वाजे झरा खळाळी
भिरभिरणारी रंगबिरंगी
फुलपाखरे सोनझळाळी

खुळावणारा निसर्ग सारा
फिटे निराशा उदासवाणी
लवलवणारे मानस डोले
मिटूनी डोळे अंतर्यामी

जवळजवळ १८ वर्षांपूर्वी जुन्या माबोवर लिहीलेला हा लेख नवीन लोकांनी वाचावा म्हणून जसाच्या तसा पुन्हा कॉपी केला आहे. ती लिंक आहे पण आता तेथे नव्याने प्रतिक्रिया देता येत नाहीत.
----
मूळ लेख १७ जुलै २००७