जगायचेच राहिले

Submitted by किरण कुमार on 30 September, 2025 - 04:03

जसे मला हवे तसे जगायचेच राहिले
वसंत येत राहिला, फुलायचेच राहिले

अजिंक्य एकलव्य मी कुणास शौर्य दाखवू
खुशाल अंगठा दिला, लढायचेच राहिले

इथेच तू इथेच मी तरी अपूर्ण भेट का
नशीब आपले कसे फळायचेच राहिले

खट्याळ दुःख खेळते लपाछपी खट्याळशी
समोर येत सांगते लपायचेच राहिले

बघून जा चितेवरी मला प्रिये निवांत तू
दिसेल प्रेम आपले जळायचेच राहिले

विषय: 
निसर्ग
पर्यावरण
Groups audience: 
गुलमोहर - गझल
Group content visibility: 
Public - accessible to all site users
शेअर करा