थंडी

खूप थंडी आहे यंदा. पांघरायला ब्लॅंकेट काढू का दुलई काढू?
ब्लॅंकेट काढ.
पण ब्लॅंकेट धुवायला लागते आधी.
मग दुलई काढ.
दुलई फार हलकी आहे वजनाला.
मग ब्लॅकेट काढ.
ब्लॅंकेटने काय थंडी थांबते का?
मग दुलई काढ.
दुलई थोडी आपरी आहे.
मग ब्लॅंकेट काढ.
ब्लॅंकेट अंगाला टोचते.
मग दुलई काढ.
दुलई कॉटनच्या कापडाची नाही नं.
मग ब्लॅंकेट काढ.
ब्लॅंकेट लई महागाचं आहे नं.
मग दुलई काढ.
जाऊद्या. आपली गोधडीच बरी आहे.

गेले दोनेक दिवस आमच्या मुंबईत अगदी गबरू थंडी पडली आहे. म्हणजे दुपारच्या भरगच्च उन्हातही बोचरे गारे वारे अंगापिंडाला टोचत आहेत.

राखण

थंडी पडली माघाची
येळ झाली राखणची
शाळू गारठला रानी
शाल दिली उन्हानी

असं मऊ मऊ उन्हं
जसं हात ममतेचं
तेची उब या रानाला
देती उभारी पीकाला

आला हरबरा बहरा
तेच निळंजांभळं फूल
दीठीमधी जनमलं
सुख सपानं गोडुंलं

बोरीच्या झाडाभवती
चिमणा किलबिलाट
बोरं चाखता गोड‌आंबट
वाटा चालती अनवट

रानी पेटली आगटी
धूर चढं नागमोडी
पुढंच ठेसान धराया
धावतीया आगगाडी

ओंबी गव्हाची हिरवी
गार वा-यानं शहारली
व्हट टेकता व्हटाला
भोळी सखू बावरली

थंडी अशी कडाक्याची, त्यात जाग विरघळणारी...
गार हवा घेउन गिरकी, अंगची उब चुरगळणारी..
दुपार होता उन्हामधे, पाउल जरासं घेउन मागे..
रात्रीच्या गर्भातून बेफाम, रोजच्या रोज उलगडणारी.. [१]

पहाटेचे दाट धुके, नजर त्यात विरघळणारी...
बहरातली पाने-फूले, थंडी क्षणात चुरगळणारी...
शेकोटीच्या अवती-भवती, गारवा जरा टाकुन मागे..
विझल्या राखेवरती अलगद, रोजच्या रोज उलगडणारी..[२]

ती रोज एकटीच, अभाळभर पसरून हात..
ती एवढी शक्त की, उन्हालाही देते मात..
थंडी अशी कडाक्याची, अवती भवती सळसळणारी...
तरी जपते बर्फा-खाली, नदी खोल झुळझुळणारी... ! [३]

अमेरिकेतील हिवाळ्याच्या काही प्रची.

प्रचि १ : स्नो बर्ड - Tufted Titmouse.
प्रचि २ : हिरन्ना .... समझ बूझ बन चरना
प्रचि ३ : white-tailed deer
ही हरणं अगदी माणसाळली आहेत, ७-८ फूट लांब असली तरी पळत नाहीत.
प्रचि ४ : Guards of winter

शनिवारची संध्याकाळ, सात-साडेसातचा सुमार, नेहमीपेक्षा बरीच रिकामी ट्रेन. हा थंडीचा प्रताप म्हणून ट्रेन रिकामी, की ट्रेन रिकामी असल्याने वारा अंगाला येऊन जास्तच झोंबत होता माहीत नाही. पण खिडक्या बंद करूनही सुरसुरत आत शिरत होता. किंबहुना बारीकश्या फटीतून तीरासारखा अंगावर झेपावत होता. कसलाही आवाज न करता. जे चार चौदा सहप्रवासी होते त्यांची वार्‍याचा विरुद्ध दिशेला बसायला मारामारी चालू होती. कसलेही भांडण न करता. निदान उबेसाठी म्हणून कोणाच्या तरी सोबतीची गरज यावेळी भासते तसे माझ्याबरोबर कोणी नव्हते.

हिवाळा कोणाला आवडत नाही? हिवाळा हा बल देणारा ,आरोग्य वाढवणारा काळ.

खा,प्या, मजा करा !!!

हिवाळ्यात मस्त दणकून भूक लागते आणि छान पचतेही . या ऋतूत दोन्ही वेळा भरपूर प्रमाणात आहार घ्यावा.

मी इथे काही पौष्टिक खुराक देत आहे जो काहीजण घेत असतीलच .. फक्त थंडी साठीच असा नव्हे , कधीही आवडेल असा...

चल मग तुमच्याही पाककृती येउद्या

मुगाचे कढण

१ वाटी मूग शिजवून , १ चमचा जिरेपूड, हिंग , मीठ

मूग शिजवून , त्यातील पाणी चाळणीने गळून घ्यावे , मूग बारीक करून घ्यावे , काढलेले पाणी घालून एकजीव करावे .तुपात हिंग, जिरेपूड घालून गरम गरम सूप सारखे प्यावे .