काल्पनिका

१५ मे १९९९
सेकंड शिफ्ट संपत आली.

अकराचे टोल पडले. ११.०५ मिनिटांनी नवीन शिफ्ट कार्डस पंच करेल.
त्या आधी मशीन बंद आणि स्वच्छ करून कालजय सप्तर्षी गडबडीत निघाले.

मुलं झोपली असतील. त्यांच्या मनात विचार आला.
गेले कित्येक दिवस ते सेकंड आणि थर्ड शिफ्ट करत होते. थर्ड शिफ्टला लोक टाळाटाळ करतात.
पूर्वी डबल शिफ्टचे पैसे मिळायचे आणि रात्रीच्या शिफ्टचे अडीच पट.

पण आता कंपनीने लबाडी सुरू केली. रात्रीच्या शिफ्टमधे सप्तर्षींना टाकलं.
आणि सेकंड शिफ्टचा ओव्हरटाईम देऊ लागले. त्यामुळं नुकसान होऊ लागलं पण सांगता कुणाला ?