Roald Dahl

गेल्या पंधरा-वीस वर्षात कथावाचनापासून मनाने बराच लांब गेलो होतो. एकंदरीतच काल्पनिक साहित्याची गोडी झपाट्याने ओसरली होती. याउलट वास्तवदर्शी, माहितीपर आणि टीकाटिपणीयुक्त लेखन वाचायला अधिक आवडू लागले होते. नाही म्हणायला कोविडच्या प्रथम पर्वात या आवडीत काहीसा बदल झाला होता. तेव्हा सर्वांनाच घरात कोंडलेल्या अवस्थेत बराच काळ काढायचा होता. त्यामुळे वाचनाचे प्रमाण आपोआप वाढले. अधिक वाचन करायचे तर त्यात विविधतेची गरज भासते. म्हणून जरा कात टाकून जरा वेगळा विचार केला. कित्येक वर्षात आपण इंग्रजी ललित साहित्याकडे काहीशी पाठ फिरवलेली होती हे जाणवले.