होर्मुज

होर्मुजी जलडमरू
नाद करीतो खणाणा
चाले इराणी तांडव
तुम्ही हे राम म्हणाणा

श्वास कोंडले जगाचे
वारे उष्ण आखातात
घामाघूम सरकारे
विनवणी करतात

तेल वायू दुर्लभची
ओशाळलेले जगणे
कसे दाटले मळभ
धावा देवाचा करणे

गमावले खूप काही
देशाभिमान राहिला
अंतर्यामी हीच उर्मी
दिवा वादळी तगला

एक पोर चिमुकले
मुठी बांधीत हुंकारे
नको जगणे गुलामी
वीर मरण ते बरे

भाळी लाल मळवट
रणी अवतरे वीर
माती मागे बलिदान
अंगी विजेचा संचार