घडवणारे

त्याच शाळेत मला इंग्रजी शिकवायला मिळाल्या, त्या कळंबे मॅडम. सावळ्या पण स्मार्ट, शेलाटा बांधा, कुणावरही लगेच छाप पडेल, असे व्यक्तिमत्व.साडी नेसावी, दिमाखात कॅरी करावी, तर ती त्यांनीच ! अतिशय सुंदर डिझाईन च्या, फेंट कलर च्या उत्तम रंगसंगतीच्या साड्या आम्हाला खूप आवडायच्या.
इंग्रजी विषयावरचे त्यांचे प्रभुत्व वादातीत होते. खूप उत्साहाने, मनापासून शिकवायच्या. त्यांची शिकवण्याची पद्धत एवढी सोपी होती, की आम्हाला कुणालाच त्या परक्या भाषेची कधी भीती वाटली नाही.

आज 5सप्टेंबर. शिक्षक दिन. सगळ्याच लोकांच्या मनात आपापल्या शिक्षकांबद्दल कृतज्ञतेची भावना असतेच. या दिवशी आपण आवर्जून ती व्यक्त करतो एवढेच.
सध्याच्या या व्यवहारी युगात शिक्षणक्षेत्र पण पूर्वी एवढे पवित्र राहिलेले नाही, अशी ओरड आपल्याला ऐकू येते. पण माझ्या सुदैवाने मला मात्र असे शिक्षक लाभले, ज्यांनी फक्त वर्गात शिकवणे, एवढे स्वतःचे नेमून दिलेले काम न करता विद्यार्थ्यांच्या सर्वांगीण विकासावर लक्ष केंद्रित केले. माझ्या एकूणच जडणघडणीवर ज्या त्रिमूर्तींचा खूप प्रभाव आहे, त्यांचे आजच्या दिवशी स्मरण करणे हा या प्रस्तुत लेखाचा हेतू आहे.