मुंबई लोकल ट्रेन

ज्यांना अजून बातमी ठाऊक नाही त्यांना थोडक्यात सांगतो

मंगळवारी रात्री चर्चगेट-नालासोपारा लोकल ट्रेनच्या फर्स्ट क्लास डब्यात मुसळधार पावसादरम्यान दरवाजा बंद ठेवण्याच्या वादातून साधारण २१-२२ वर्षीय युवकाची एका सहप्रवाशाने भर ट्रेनमध्ये चाकूने भोसकून हत्या केली. मृत मयंक लोहार हा विरार येथील रहिवासी होता, तर आरोपी रोशन सुवर्णा हा मीरा-भाईंदर येथील रहिवासी आहे.

पाऊस सुरू होऊन आठवडा झाला पण त्यात त्याने कोसळायचा मुहुर्त शनिवार रविवार विकांतालाच साधल्याने त्याच्याशी आमनेसामने असे दोन हात झालेच नाहीत,
पण आज पाऊसाने दिवसभर तुरळक संततधार काय लावली संध्याकाळी घरी पोहोचायचे वांधे झाले. नाही हो, छत्री बरोबर होती पण पटरीवरची ट्रेन रखडली होती. कुठून पकडली आणि कुठे पोहोचायचे होते, तेवढे विचारू नका. पण सुरूवातीचा ८० टक्के प्रवासाला जेवढा वेळ लागला तेवढाच वेळ शिल्लक २० टक्के कापायला लागला.