बालपण

बाकी काही नको देवा
पुन्हा एकदा बालपण दे
नको मोठी गाडी नको मोठा बंगला
मनसोक्त भटकायला मोकळं रान दे
पुस्तकात ठेवायला एखादं वाळक पान दे
नको ती नोकरी नको ते पॅकेज
वाऱ्यावर तरंगणारे म्हातारीचे केस दे
फुगे उडवायला साबणाचा फेस दे
वाढदिवशी घालायला एखादा नवीन ड्रेस दे
नको प्रतिष्ठा नको पैसा
सापाची कात दे, चांदणी रात दे
काजव्यांचा उजेड दे, लाजाळूचं पान दे
नको तो मोबाईल नको तो लॅपटॉप
पोपाय च स्पिनेच दे, डेक्स्टर ची लॅब दे
भूतांच्या गोष्टी दे, गोष्टीतली परी दे
खेळता खेळता पडल्यावर कपाळाला खोक दे,
रात्रीची शांत झोप दे
बाकी काही नको देवा
पुन्हा एकदा बालपण दे