मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
काळीज लपवते आहे
Submitted by वेडोबा on 21 September, 2018 - 09:45
वरवर दिसते आलबेल सगळे।
मनात सतत काय हे जळते आहे।
तू नाहीस माझ्यासाठी, नव्हतास कधीही
कळते मला तरीही न कळते आहे।
खोल उरात दडलेले गुपित माझे,
न जाणो जगाला कसे कळते आहे।
नजरेत तुझ्या उमलते फूल प्रेमाचे
बघून जग सारे जळते आहे।
नाही रे इतकी कठोर मी प्रिया पण,
वेदनेच्या भीतीने काळीज लपवते आहे।
विषय:
