उलूक महात्म्य

उलूक महात्म्य

तीक्ष्ण डोळे, तीक्ष्ण कान, करू किती हेवा
मूषक-शत्रू जागतो, घेतो उंदरांचा मागोवा !

अनुकुचीदार नख्या, कापसासारखे पंख
उड्डाण भारी विनआवाज, उंदरांचा रंक !

घेई विश्रांती दिवसभर, ढोलीत, कडे कपारीत
खरेतर शिलेदार निशाचर, नसे दिवाभीत !

उंदरांची फौज करे पिकांचे नुकसान
धान्य जाई बिळात, शेतकऱ्यांचे अवसान!

म्हटले घुबड की वळते आमची बोबडी
विज्ञान युगातही जनता आमची भाबडी !

इंग्रजी कथांमध्ये असते ‘वाईज आउल’
आम्हास मात्र नको असते घुबडाची चाहूल !