नवीन नाते

पहिली भेट

तशी आमची भेट ठरवूनच झाली. पण घरच्यांना न कळविता. माझी बहीण त्याला एकमेव साक्षीदार. तसे हे स्थळ arrange marriage through आलेले. पण दोघांचे ही आईवडील गावी आणि आम्हाला भेटण्याची भलतीच घाई.
शेवटी मॉल मध्ये भेटण्याचे ठरले. कारण बाहेर कुठे भेटलो असतो तर कोणीतरी बघण्याची आणि उगाच गैरसमज होण्याची भीती जास्त.
भेटण्याचा दिवस उजाडला. त्या दिवशी मी स्वतःला १०० वेळा तरी आरशात बघितले असेल. किती सेल्फी घेतले त्याला काही मापच नाही. त्यातलाच एक त्याला सेंड केला. त्याच्याकडून हवा तो smiley आला. आणि मी भलतीच खुश झाली.