आचार्य

आपण माझ्या पहिल्या लेखाला जो प्रतिसाद दिलात, तो पाहून माझा लिहिण्याचा हुरूप अजूनच वाढला. मला खात्री आहे, दूसरा भागही आपण पसंद कराल. या लेखात मी चाणक्यांचा उल्लेख काही ठिकाणी 'आचार्य' म्हणून केला आहे.
चाणक्य भाग -1 चाणक्यांचा जन्म आणि राजकारणात प्रवेश - https://www.maayboli.com/node/79173

दुसर्‍या भागाची सुरुवात .......................

"शिस्त! शिस्तीचे पालन करण्यासाठी जर दृढता नसेल, तर आपल्यात आणि प्राण्यांमध्ये फरकच काय उरतो?" ते उद्गार गुरुकुलातील शांतता भेदून गेले.

पहिल्यांदा गुरुजींचा क्रोध दिसत होता. गुरुमाताही थक्क झल्या होत्या. क्रोधाचे कारण मात्र कळत नव्हते.

"अस्वलाप्रमानेच झोप आवडत असेल, तर मनुष्य जन्म मिळून फायदाच काय?..." आता कुठे गुरुजींच्या क्रोधाचे कारण कळाले. घोर निराशा आणि क्रोधामुळे गुरुजी खूप काही बोलून गेले. पण चुक कुणाची हे मात्र कळत नव्हते.