चिंब वाटा
Submitted by शिवाजी उमाजी on 31 October, 2018 - 04:47
चिंब वाटा
छेडछाड करतो येथे, अल्लड पाऊस खोटा,
सावर सखे गं आता, ओलावल्या कुंतल बटा !
झिडकारले जरी किती, मुडपूनी नाजूक ओठां,
कळतोय सारा दवाला, लटका तुझा राग खोटा !
स्पर्शुनी तव ओष्ठकडा, करूनी तो आटापिटा,
विसावले दवथेंब वसनी, उमटवून अनेक छटा !
भिजल्या अंधार दिशा, झाकोळल्या सर्व वाटा,
द्वाड वारा हळूच उचले, छेडण्या आपुला वाटा !
नाजूक काया तशी ही, दर्शवीत रोमांच काटा,
धुक्यात चिरून जातो, तिरपा गं कटाक्ष छोटा !
विषय:
शब्दखुणा: