--------------------------------------------------------------------------
मे २००५… MCA च्या ॲडमिशनचा तो दिवस… ❤️ भाग १
--------------------------------------------------------------------------
मे २००५ मध्ये MCA च्या ॲडमिशनच्या वेळी मी तुला पहिल्यांदा पाहिलं… आणि खरं सांगायचं तर, तुला पाहताक्षणीच माझं मन तुझ्यात हरवून गेलं.
ॲडमिशन फॉर्म भरताना तू माझ्याकडे पेन मागितलंस. मी तुला पेन दिलं. फॉर्म भरताना तू थोडीशी गोंधळलेली होतीस, काही गोष्टी तुला समजत नव्हत्या. मी तुला तो फॉर्म भरायला मदत केली. फॉर्म भरून झाल्यावर तू माझं पेन परत दिलंस आणि सहज विचारलंस,
“तू कुठला आहेस?”
मी म्हणालो, “जत… सांगली जिल्हा.”
आणि तू अगदी तुझ्या बेधडक स्वभावात लगेच म्हणालीस,
“अरे! म्हणजे तू बाहेरचा आहेस…”
एवढं बोलून तू सरळ निघूनही गेलीस…
पण तुला माहीत आहे का?
तू निघून गेलीस, पण माझी नजर मात्र तुझ्यावरून हटत नव्हती. तू माझ्या नजरेआड होईपर्यंत मी फक्त तुलाच पाहत राहिलो…
आणि त्या क्षणी पार्श्वभूमीवर Main Hoon Na मधलं “Tumhe Jo Maine Dekha…” हे गाणं वाजत होतं.
आज इतक्या वर्षांनंतरही तो क्षण आठवला की सगळं अगदी कालच घडलंय असं वाटतं…
तो ॲडमिशन फॉर्म, ते माझं पेन, तुझा तो बेधडकपणा आणि निघून जाताना तुझी पाठमोरी आकृती…
कदाचित तुझ्यासाठी ती फक्त एक साधी भेट होती…
पण माझ्यासाठी, ती एका सुंदर आठवणीची सुरुवात होती. ❤️
