गोरे येती घरा

युरोपिअन गोरे लोक भारतात येतात तेव्हां इथले लोक त्यांच्याशी कसे वागतात?

देवगिरीचा किल्ला बघत असताना सुरूवातीच्या पायर्‍यांवर एक टोळकं बसलं होतं. त्यांनी एका गोर्‍याला पाहिलं. त्याला ते चिडवायला लागले.
त्या टोळक्याला इंग्लीश माझ्याइतकंच येत होतं.
हे मॅन , हाऊ आर यू? इंडीया यू लाईक? असा चिडवल्यासारखा टोन काढून बोलत होते, तो टोन ऐकून तो गोरा त्यांना फक्त नमस्ते म्हणून पुढं जायला लागला. तर हे मागून त्याला जोरजोरात बोलत होते. यू सोनेरी माकड म्हणून आपसात हसले. त्यांचा टाईमपास होत होता.

आग्र्याला एक गोरी मुलगी/बाई लाल किल्ला बघायला आली होती. तिला थांबवून एका टोळक्याने तिच्यासोबत फोटो काढून घेतले. या खूप वर्षापूर्वीच्या घटना आहेत. आता सेल्फी काढतात.

आता गोरे लोक भारतात आले कि व्हिडीओ बनवून पोस्ट करतात. त्यात हेच प्रकार दिसतात. कमी नाहीत झालेले. उलट वाढलेत.
काही लोक गोर्‍यांचं मत भारताबद्दल चांगलं व्हावं म्हणून उगीचच त्यांना थांबवून सल्ले देतात. एक गोरी मोटरसायकलवरून मुन्नार ला चालली होती. एकाने येऊन तिला इथे फोटो काढू नकोस, सेफ नाही असं सांगितलं. ती थँक्स म्हणाली. "नाईस गाय" म्हणाली. पण नंतर तो जवळ जवळ तास दोन तास ती जिथे जिथे थांबेल तिथे थांबून तिला सल्ले देत होता. युट्यूब वाले शक्यतो निगेटिव्ह कमेण्ट्स करत नाहीत. पण हे भीतीदायक वाटू शकतं. मला इंग्लीश येतं याचं या गोरीनं कौतुक केलं पाहीजे अशी त्याची बॉडी लँग्वेज होती.

रिक्षावाले जवळच्या अंतर्साठी काहीही पैसे मागतात.
एका पीम्च्करवाल्याने एकाच्या मोटरसायकलची पंक्चर काढली. त्याने पैसे विचारले तर वन पंक्चर १२०० रूपीज म्हणाला. त्याला संशय आला. पण तो भांडण करायला लागल्यावर त्याने पैसे दिले.

रजनीश आश्रम सुरू असताना बरेच गोरे लोक कायनेटिक भाड्याने घेऊन फिरायचे. तेव्हां हवा भरायचे एकाने दीडशे रूपये घेतल्याचं पाहिलं होतं.

तुम्ही पाहिलेत का असे प्रसंग?