द्यूत

Submitted by आर्त on 10 January, 2026 - 06:03

त्रिभुवनात सारे म्हणती, तू
आहेस सज्जनांचा सज्जन
असे कसे मग युधिष्ठिरा रे
द्यूतसभेत सुटले संतुलन?

तशी खरेतर नावाला ती
असंख्य तुजला नाती होती
सांग द्रौपदी, हाकेला तव
किती त्यातली आली होती?

एका स्त्रीच्या अब्रूपेक्षाही
थोर होता का तुझा घमंड?
डोळे बंद करण्याऐवजी
कर्णा, उघडले नाहीस तोंड?

डोळस असुनही बुद्धीस तुझ्या
अंध करून गेली वासना
कळला अधिकार पण न कळली
तयाची मर्यादा, दुर्योधना!

०९.०१.२०२६

विषय: 
लेखन
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा