वर्ष २०२६ - संकल्प आणि त्यांचे अपडेट्स

वजन कमी करायचे आहे.
स्तोत्रे म्हणेन.
नवीन हेल्दी स्नॅक बनविणॅ

आजचे काम उद्या करण्याचा संकल्प आहे.

माझे काही २०२६ चे संकल्प :

१. रेग्युलर प्युबिक हेअर काढणे, विशेषत: पण तीन महिन्यांतून एकदाच . कारण केस काढल्यावर पुन्हा वाढताना एक फेज अशी येते की अक्षरश: बसवत नाही
२. भरपूर पाणी पिणे, दिवसाला कमीत कमी अडीच ते तीन लिटर्स
३. ७५ सूर्यमनस्कार घालणे
४. दक्षिण भारतात फिरायला जाणे
५. एकवेळच्या अन्नावर येणे (सध्या प्रचंड खात सुटलो आहे, वजन पूर्ण आटोक्यात आहे कारण आठवड्याला दोन दिवस तरी चोवीस चोवीस तासांचे उपवास होतात)
६. पैसे साठवणे
७. मिरजेजवळ एक शेतजमीन घेतली आहे त्यात जरा प्रोसेस बसवायची आहे. म्हणजे २०३० पर्यंत जमिनीचा कर्ब वाढेल किमान २.५ टक्क्यांच्या पुढे जाईल
८. उरलेले सगळे असेट्स लिक्विडेट करायचे आहेत (पुण्यातला एक फ्लॅट विकत जातोय का ते पाहणे, अजून दोन तीन जागा घेऊन ठेवल्या होत्या त्या पण विकत घालवून फक्त आता नवे शेत + सांगलीत एक दुकान गाळा एवढेच रियल इस्टेट करायचे आहे.)
९. २०३० (बरोबर ४० होतात) ला निवृत्त होण्याची तयारी करणे. सध्या जेवढे सेविंग्स झालेले आहेत ते योग्य वेळेस एखाद्या कमी रिस्की बाँड किंवा लाँग टर्म MF मधे गुंतवून टाकून ठेवायचे आहेत.
१०. होर्डिंग डिसॉर्डर होऊ नये यासाठी वस्तू फेकून देणे किंवा विकून टाकणे करत आहे. नवे काही खरेदी करायचे नाही असे ठरवले आहे.

संकल्प असं म्हणून काही करणार नाही.
संकल्प न करता सायकलिंग सुरू केलं. सध्या खांदा आणि हाताच्या दुखण्यामुळे थांबवावे लागले आहे. यासंदर्भातच..
व्हिटॅमिन इनटेक, फिजिओथेरपी यावर लक्ष द्यायचं आहे. आहार कोणत्याही स्पोर्टस न्युट्रिशनिस्ट कडून लिहून न घेता सरळ डॉक्टरांकडूनच घेणार.
हॉस्पिटलची फिजिओथेरपी स्वतः घरी ही कंटीन्यू करणार (हे जमत नाहीये सध्या)
मायबोलीवर सध्या चित्रपट या ग्रुपात आहे. तिथला वावर कमी करून वेळ वाचवणार. उरलेल्या कथा पूर्ण करणार.

पुढच्या वर्षात सिंहगडावर एकदा तरी सायकलने जाऊन यायचे आहे.
पानशेतच्या पुढे कँपिंग (बिबट्याच्या बातम्यांवर अवलंबून)
फोफसंडी गावी / जुन्नर परीसरात सायकलवरून किंवा कोकण ट्रीप सायकलवरून असे बेत आहेत.
एक कोयना ट्रीप ( बिबट्याचा वावर बघूनच)

चित्रकला शिकायची आहे.

छान केलं किल्ली धागा काढून.

माझे काही संकल्प इथे लिहितो आहे. पूर्ण करण्याचा नक्की प्रयत्न करीन. इथे अपडेट देईन.

१. पोटाचा घेर कमी करणे.
२. चांगली बॉडी बनविणे (वामन्या, शक्य आहे का बे तुला? नुसतं धुरंधर शेनिमा बघून बॉडी बनते का?)
३. किमान पाच किमी सलग धावण्याची क्षमता गाठणे. (सध्या दोन किमी)
४. किमान १०० सूर्यनमस्कार सलग घालण्याची क्षमता गाठणे.
५. दीर्घवेळ शंख वाजवायला शिकणे.
६. २२५०४ विवेक एक्सप्रेसने पूर्ण प्रवास करणे.

मागच्या वर्षी जे ठरवलं होतं ते बऱ्यापैकी पूर्ण केलंय. डाएट फॉलो करण मला जमत नाही मग सोपा उपाय म्हणून साखर पूर्णपणे बंद केली आहे . वजन कमी झालंय .
दिवसातून किमान ३० मिनिटं चालण होईल ह्याची काळजी घेतीय .
ह्या वर्षीचा मुख्य संकल्प आहे ..
१)डोक्याला त्रास देणाऱ्या गोष्टी सोडून द्यायच्या, दुर्लक्ष करायचं.
आणि तसं वागायला सुरुवात पण केली आहे. ज्या WhatsApp ग्रुप मध्ये गॉसिपिंग शिवाय दुसर काहीही नसत अशा ग्रुप मधून बाहेर पडलीये...त्यात फॅमिली ग्रुप पण आला...☺️.
२)गिरनार ला परत जायची खूप इच्छा आहे..बघू कधी बोलावणं येतय .
३) एक सोलो ट्रिप करणार आहे.

१) ३१ डिसेंबर २०२६ पर्यंत जगायचे आहे

२) पोट कमी करायचे आहे. (आयुष्यात कधी हे लिहायची वेळ माझ्यावर येईल असे वाटले नव्हते)

३) त्यानंतर लेकीसोबत डान्सरील बनवायच्या आहेत.

४) एखादी नवीन हेअर स्टाईल ट्राय करायची आहे.

५) मुलांचा गणिताचा अभ्यास घ्यायला पुन्हा सुरुवात करायची आहे.

६) विवाहबाह्य संबंधावर एक दीर्घकथा लिहायची आहे.

** क्रमांक दोन जर २०२६ मध्ये जमले तर एक छोट्यातील छोटी मॅरेथॉन धावायचा संकल्प २०२७ साठी ठेवला आहे.

6) अनुभवाने कथा जिवंत होते.

अश्विनी ९९९, माझे पण हे तिन्ही पॉइण्ट आहेत.
दुसरा पॉईंट एकत्रच करू

मी गेल्या वर्षी केलेले संकल्प फार काही मनावर घेतले नाहीत. पण तरी यंदा करते आहे.
१ व्यायामात नियमितता आणणे
२ किमान १२ नवीन पुस्तके वाचणे
३ लिखाण नियमीत करणे
४ एका अभ्यासाचं भिजत पडलेलं घोंगडं नीट रांगेत आणणे
५ मनाच्या आणि शरीराच्या आरोग्याची काळजी घेणे

इतकं केलं तरी पुष्कळ होईल.

@ धनवन्ती..... दुसरा पॉईंट एकत्रच करू .

नक्की करू.

माझा नवीन वर्षाचा काही संकल्प नाहीये..
मनात येईल तेव्हा त्या त्या गोष्टी करून टाकते...

तर ज्यांचे weight लॉस, फॅट लॉस, maintan फिटनेस, muscle building, weight gain असे यावर्षीचे संकल्प आहेत..
पण जिम ला जायला वेळ नाही, जमत नाही, सातत्य टिकवता येत नाहीये.. घरात काय करावं समजत नाहीये.. त्यांच्यासाठी.......
माझ्या सोबत जॉईन करू शकता online फिटनेस home workout..
अधिक माहितीसाठी सम्पर्कातून mail किंवा विपु करू शकता...

यावर्षी माझ्यासाठी आणि लेकासाठी vision board बनवायचा विचार आहे.
गेल्यावर्षी केलेले संकल्प अर्धवट पूर्ण करता आले.

डेफिनेटली बी एम आय कमी करणे मनावर घेतलेले आहे. करणारच इथे आज ( ३१ डिसेंबर २०२५) नोंदवते आहे - ३२.४ (ओबीस)

वजन कमी करणे. गेल्या वर्षीचा हा संकल्प असा नव्हे तरी तसे वाटले होते.

कार्ब्स सोडायला हवेत. प्रयत्न करणार आहे.

नवीन वर्षाच्या शुभेच्छा !
सुरूवात लवकर उठून झाली.

आत्तशीक ४ वाजलेत. झोप

सुप्रभात
माझा सुद्धा चार वाजताचा अलार्म वाजला.
आता वाईफ सेव्हिंग स्किल शिकायला घेतो.
सुरुवात भांडी घासण्यापासून करतो.
पहाटेच्या कडाकाच्या थंडीत गरम पाण्याने भांडी घासायची मजाच वेगळी.
यावर्षी स्वतःची भांडी स्वतःच घासणार, स्वतःचे कपडे स्वतःच धुणार, स्वतःचा स्वयंपाक स्वतःच बनवणार, स्वतःची आंघोळ स्वतःच करणार हाच माझा संकल्प.

झोप
नवीन वर्षाची सुरूवातच हसण्याने झाली.
काल सिंहगडावरून आल्यानंतर तासभर झोप लागली होती.

ऋन्म्याच्या पोस्ट मधल्या स्वतःच्या लिस्टीत नको ते वाचुन हसुन घेतलं, तुम्ही पण हसुन घ्या.
हॅप्पी न्यू यर!

स्वतःची आंघोळ स्वतःच करणार >>> या आधी घरचे लोक वॉशिंग मशीन मधे घालत होते का काय?

सर्वांना नववर्षाच्या शुभेच्छा !

>>>>पहाटेच्या कडाकाच्या थंडीत गरम पाण्याने भांडी घासायची मजाच वेगळी.

https://youtu.be/xg60Ep6Geu4?t=457

मस्त, नवीन वर्षाची सकाळ हसण्याने झाली वरचे प्रतिसाद वाचून.
माझे बरेच संकल्प बाकी आहेय पूर्ण व्हायचे, मागच्या वर्षीच्या संकल्पाच्या धाग्यावरचे ,पण सुरुवात तर केली आहे. तेच यावर्षी पूर्ण व्हावेत.
रुन्मेष यांचा सहावा संकल्प वाचून मीही संकल्प ऍड केलाय यावर्षी एक तरी कथा लिहायची इच्छा आहे तीही सस्पेन्स थ्रिलर .बघू कसे जमते.

सर्वाना नववर्षाच्या शुभेच्छा . सर्वांचे संकल्प पूर्ण होवोत ही सदिच्छा.

अस्मिता >>>
ऋन्मेष >>>>

वॉशिंग मशीन >> .. काश ये शक्य होता गेला बाजार वरच्या शाहरुख सारखे तरी नशीब हवे होते

मला रोज आंघोळ करणार असे म्हणायचे होते पण स्वावलंबनाच्या फ्लो मध्ये तसे लिहिले गेले.. बाकी आजही पाठीला साबण लाऊन चोळताना फिलिंग ठाकूर होतेच

>>>>शॉपिंग वर बंधन घालणार- खासकरून ऑनलाईन केली जाणारी<<<<<

हे आणि हेच. मला खुपच व्यसन लागलय.
आणि हे,

>>>डोक्याला त्रास देणाऱ्या गोष्टी सोडून द्यायच्या, दुर्लक्ष करायचं.
आणि तसं वागायला सुरुवात पण केली आहे. ज्या WhatsApp ग्रुप मध्ये गॉसिपिंग शिवाय दुसर काहीही नसत अशा ग्रुप मधून बाहेर पडलीये...त्यात फॅमिली ग्रुप पण आला...☺️.<< +१