हारणारा मीच!

Submitted by अभिषेक_ on 5 September, 2023 - 03:14

घातल्या शपथा किती मी या मनाला
सांज ढळता शुष्क डोळे राखण्याला

आठवांचा पूर येऊ दे तिथेही
पाहिले सांगून हळव्या पावसाला

भूक मिटते ना मनाची माणसांनी
का कळेना आतमधल्या श्वापदाला!

आज का ताऱ्यांत मजला तू दिसावी
भावनांशी चांदणे खेळी कशाला!

कोणते हे रंग आले आसमंती
चुंबले का तू नभाच्या कुंचल्याला?

भावनांचे खेळ खेळावे किती मी
हारणारा मीच रे हे उमगण्याला!

विषय: 
काव्यलेखन
शब्दखुणा: 
#गझल
Groups audience: 
गुलमोहर - गझल
Group content visibility: 
Public - accessible to all site users
शेअर करा

खूपच आवडली.

कोणते हे रंग आले आसमंती
चुंबले का तू नभाच्या कुंचल्याला?

अहाहा !

Submitted by A M I T on 5 September, 2023 - 05:23