मी

Submitted by किमयागार on 6 May, 2020 - 15:15

कोण होतो काल मी अन् कोण आहे आज मी?
मी, मला अन् माझ्यामधे गुंतलो माझाच मी.

कधी होतो कुणाच्या जीवनाचा भाग मी,
कधी होतो कुणाच्या आसवांचा थेंब मी.

कधी होतो कुणाची पेटणारी चूल मी,
कधी होतो कुणाच्या भाकरीचा घास मी.

पाऊसवेड्या या मृदेचा बहरणारा गंध मी,
कधी होतो मृदेला भिजवणारा पाऊस मी.

काल होतो हा जसा मी, आज कोठे आहे असा मी?
'मी'च जाळून 'मी'पणाला, उरलो आता राखेत मी.

----------मयुरेश परांजपे-----------

विषय: 
काव्यलेखन
प्रांत/गाव: 
ठाणे
Groups audience: 
गुलमोहर - कविता
Group content visibility: 
Use group defaults