प्रशांत दामले

सध्या विक्रमवीर, विक्रमादित्य या नावाने ओळखले जाणारे मराठी रंगभूमीवरील कलाकार प्रशांत दामले यांचा नुकताच १२५००वा प्रयोग मुंबईतील षण्मुखानंद या नाट्यगृही झाला. त्यानिमित्ताने त्यांच्या आठवणी, किस्से, आवडलेल्या, नावडल्या गोष्टी शेअर करण्यासाठी हा धागा.

सुरवात माझ्यापासून करते. मी एकदाच लहानपणी बालगंधर्वला त्यांना भेटले आहे. भेटले आहे म्हणण्यापेक्षा, सही घेतली आहे. पण त्यांची अनेक नाटके आजवर बघत आले आहे, किंबहुना त्यांची नाटके बघतच मोठे झालेल्या पिढीतील मी एक.

थोडया दिवसांपूर्वी एका लग्नाची पुढची गोष्ट हे नाटक पाहिलं. नाटकाचं कथानक थोडक्यात पुढील प्रमाणे सांगते.