शशक स्पर्धा-कविन-विरह

Submitted by कविन on 17 September, 2026 - 05:58

कुठेतरी बॅकग्राऊंडला रेडीओ सुरु आहे. “जीवलगा कधी रे येशील तू…” 

गेला महिनाभर ती डोळ्यात प्राण आणून त्याची वाट बघतेय पण तो मात्र….

तिच्या घरातल्यांनी तर आता आशाच सोडलेय. रोज तिचे मन गुंतवायचा प्रयत्न करतायत. त्यांचे यत्न तिला कळतायत, पण तिच्या मनाला त्याचीच ओढ लागलेय हे त्यांना कसे समजावे?

आता पुढचं गाणं लागलय “साजण दारी उभा..” 

“विरह नको, ये की रे” हे म्हणताना काळीज वेदनेने पिळवटते तिचे.

ती जिंकतेच शेवटी, त्याला यावच लागतं.

“किती वाट बघायला लावलीस?” ती त्याला घट्ट मिठीत घेत म्हणते 

बॅकग्राऊंडला कोणीतरी कोणाला तरी सॉरी म्हणतय. कोणीतरी हुंदका देतय. 

ती मात्र सगळ्या ऐहिकाच्या पल्याड, त्याच्या मिठीत विरघळून गेलेय. 

विषय: 
मायबोली
उपक्रम
शब्दखुणा: 
मायबोली गणेशोत्सव २०२६
शशक
Groups audience: 
मायबोली गणेशोत्सव २०२६
Group content visibility: 
Public - accessible to all site users
शेअर करा

छान.

पण ( हे देवकी पंडितच्या आवाजात वाचा). यात अलंकार कोणता? रूपक?
मग तो आणि ती कोण? हा प्रश्न कोडं सोडवण्यात कुशल असलेल्या वाचकांसाठी.

Submitted by भरत. on 17 September, 2026 - 07:21

छान.

Submitted by शर्मिला. on 17 September, 2026 - 07:29

>>>>>चंदन काठ के बनल खटोलना
तां पर दुलहिन सूतल हो!
सुंदर!!
----------------------------------------
अर्थ लागल्यावरती 'कविन टच' कळला. माझे मत या शशकलाच.
-----------------------------------------------------
>>>>>>तिच्या घरातल्यांनी तर आता आशाच सोडलेय. रोज तिचे मन गुंतवायचा प्रयत्न करतायत. त्यांचे यत्न तिला कळतायत, पण तिच्या मनाला त्याचीच ओढ लागलेय हे त्यांना कसे समजावे?
मी एका 'सायकिक' स्त्रीचा इन्टर्व्ह्यु पाहीलेला. तिचे म्हणणे असे होते की जी व्यक्ती पार जाण्याच्या तयारीला लागलेली आहे अश्या व्यक्तीला सतत भेटायला येउ नये, तिला या भौतिक प्रतलावर ओढत राहू नये. कारण ती हळूहळू तिकडे जात असते आणि मग अशी ओढाताण तिला सहन होत नसते पण सांगता येत नसते.

Submitted by सामो on 17 September, 2026 - 09:31

क्षेमा लागी जीव उतावीळ माझा

मना, वृथा का भिशी मरणा ? दार सुखाचे ते हरि-करुणा !
आई पाही वाट रे मना पसरोनी बाहु कवळण्या उरी

चंदन काठ के बनल खटोलना
तां पर दुलहिन सूतल हो!>> Happy

Submitted by कविन on 17 September, 2026 - 09:26

अरे क्लास !!
दोन सेकंद उशीरा कळली त्यामुळे जास्त आवडली

Submitted by ऋन्मेऽऽष on 17 September, 2026 - 09:41

भारी!

Submitted by हरचंद पालव on 17 September, 2026 - 09:51

खूप छान!
प्रथम कळली नाही. सामोच्या प्रतिसादावरून नीटच कळली.
त्यातली आर्तता स्पर्शून गेली.

Submitted by देवकी on 17 September, 2026 - 12:29

इस पद में शरीर को चंदन की लकड़ी से बने खटोले (पलंग) के समान और जीव/आत्मा को उस पर लेटी हुई दुल्हन बताया गया है।

Submitted by सामो on 17 September, 2026 - 12:33

आधी कळलीच नव्हती.
प्रतिसादातून उलगडा झाला.
आणि मग वेगळ्याच पातळीवर क्लिक झाली.
भारीय.

Submitted by झकासराव on 18 September, 2026 - 23:59

भारीच कविन.
पण मला प्रतिसाद वाचून अर्थ लागला... आधी कळलीच नाही.

Submitted by ऋतुराज. on 22 September, 2026 - 07:13

Pages