शशक स्पर्धा - धनवंती - घाट ( शृंगार / भय रस / उपमा अलंकार )

Submitted by धनवन्ती on 15 September, 2026 - 14:47

" लवकर निघूया म्हणून किती वेळा सांगतेय. आता तू बरोबर मध्यरात्री मला त्याच घाटातून नेणार", तन्वी माझ्याशेजारी बसून तणतणतेय. चिडली की तिचे देशी गुलाबाच्या नाजूक पाकळ्यांचे गुलाबी ओठ थरथरतात आणि मी खुळावतो, पार वेडावतो. तिचा राग काढण्यात तर आपण एकदम माहीर.. जितकी चिडेल तितकीच उत्कट.. धबधब्यासारखी झोकून देते..
" सांडासारखा दणकट नवरा सोबत असताना त्या घाटाला काय घाबरतेस? भूतबीत बाता सगळ्या, एकदम झूठ.." ती अस्वस्थ, चुळबुळत गप्प, मी अजूनच बेदरकार, गाडी एकदम F1...
अचानक गाडीसमोर कोणीतरी की काहीतरी.. ????
क्षणात गाडी हवेत फेकली जातेय, भेलकंडते, आणि कमालीची शांतता, जणू काळ गोठलाय त्याच एका क्षणात..

" लवकर निघूया म्हणून... " ती पुन्हा माझ्याशेजारी बसून तणतणतेय....

विषय: 
गद्यलेखन
Groups audience: 
मायबोली गणेशोत्सव २०२६
Group content visibility: 
Public - accessible to all site users
शेअर करा

झंपी दोघे मला वाटते मरतात आणि आता हे चक्र चालूच. पिशच्चे तीच तीच क्रिया पुनःपुन्हा करत रहातात जोपर्यंत मुक्ती मिळत नाही.

Submitted by सामो on 15 September, 2026 - 19:21

पहिल्या वहिल्या श श क साठी आलेले प्रतिसाद बघून खरेच खूप आनंद होत आहे. सर्वांना मनापासून धन्यवाद !!

झंपी, सामो यांनी सांगितलेला अर्थ बरोबर आहे.

Submitted by धनवन्ती on 15 September, 2026 - 19:45

धनवन्ती, भारीच.
त्या शेवटच्या वाक्यामुळे ते चक्र अव्याहत चालू राहणार असे वाटते.

Submitted by ऋतुराज. on 15 September, 2026 - 21:23

हो ऋतुराज..

भस्मबीज च्या लेखकांकडून अभिप्राय, खूप विशेष वाटले.

धन्यवाद किल्ली..

सर्वांचेच पुन्हा एकवार आभार..

Submitted by धनवन्ती on 16 September, 2026 - 00:02

जमलीय.

मला एक आणखी भयंकर शेवट सुचला. एखादी जागा अपघातप्रवण क्षेत्र असते. त्याचं हे कारण.

Submitted by भरत. on 16 September, 2026 - 02:33

खतरनाक!

भारी लिहिलं आहेस की!

Submitted by आबा. on 16 September, 2026 - 10:08

Pages