"गिरिजात्मज"

रुपडे कसे साजरे या गिरिजात्मजाचे,
कटी पितांबर ,वसन भरजरी या गिरिजात्मजाचे।

​अनेक छटा आहेत तशा याच्या रूपाच्या,
आवडे बाल स्वरूप मला गिरिजात्मजाचे।

​रांगतो जेव्हा हा पारणं फेडतो भूमीचे,
कसे गाल गुबगुबीत या गिरिजात्मजाचे।

बाळ कसा खेळे तान्हा उभे ब्रम्हांड पाही,
आकाशातील चंद्र-तारे, खेळ गिरिजात्मजाचे।

​कसे शोभते मुकुट कोवळ्या माथी,
कसे निरागस भाव ,या गिरिजात्मजाचे।

​केले मोदक गोड, गूळ खोबऱ्याचे,
घेण्यास चालले कष्ट गिरिजात्मजाचे।

​गौरी संगे कैलासनाथ पाही शिशु कौतुक,
नर्तन, गायन ,वादन मोहक या गिरिजात्मजाचे।