शशक स्पर्धा - स्वानंदी - नो स्क्रीन डे - हास्य रस, यमक

स्क्रीनच पहायची नाही
एकदा मी ठरवलं
नको मोबाईल नको टीव्ही
पुन्हा पुन्हा गिरवलं

काय सांगू राव, माझी काय झाली गत
चंदेरी स्क्रीन विना किती तगमग !
रील्स सरकवायला बोटं अशी आतुरली
तांदूळ घेतले निवडायला अन्
स्क्रोलींगची हौस भागवली!

तरीही घट्ट केले मन आणि
उघडलाच नाही मोबाईल फोन
आलेच तरी साताठ कॉल
क्यामेरीबात आणि हवेका लोन?

खोटेखोटे हसू आणि
नकली सगळ्या व्हाईब
नव्या व्हिडिओजना बळंच करा
लाईक, शेअर, सबस्क्राईब !

मनावर ताबा महत्वाचा
मात्र कळून चुकले आता
मोबाईलपेक्षा सरस आहे
अंतरातील अमल शुद्धता!

या शुचितेला स्मरून सांगते
आटोक्यात ठेवा स्क्रीन वापर
कारण, नेहमीच फोडता येत नसते
जेन झीच्या माथी खापर!