Submitted by तुष्कीनागपुरी on 15 July, 2026 - 07:39
अब्ज वॉटचा प्रकाश आहे हसणे म्हणजे
तू दिसता आरतीच होते बघणे म्हणजे
.
रंग सावळा घेऊन येतो ऐट स्वतःची
नसते त्याची व्याख्या गोरे नसणे म्हणजे
.
थकतो थांबुन घेतो फिरून डाव खेळतो
डाव संपला नसतो काही थकणे म्हणजे
.
किती राहिले श्वास कुणाला नसते ठाऊक
जीव ओतुनी क्षण क्षण जगणे जगणे म्हणजे
.
हिशोब असतो राहून गेलेल्या वचनांचा
पापड दाणे ग्लासच नसते बसणे म्हणजे
.
तुष्की नागपुरी
चिखलदरा, शुक्रवार, १० जुलै २०२६, २१:००
विषय:
Groups audience:
Group content visibility:
Use group defaults
शेअर करा
