आवडत्या भाज्या

कोवळी पण शिरा भरलेली नाजूक दोडकी. >> शिरा भरलेली म्हणजे?

आपण सगळेच त्याच त्याच भाज्या खातो. पण प्रत्येकाची रांधण्याची पद्धत निराळी असते, आणि आपण जे खात आलोय, किंवा ज्या चवीची आपल्याला ओळख करून दिली जाते ती आयुष्यभर सोबत रहाते.
मी जुन्या भेंड्याची आमटी एकदा कधीतरी खाल्ल्याची आठवते आहे, पण त्यांनंतर कधी खाल्ली नाही. मी हुलग्याच्या शेंगा सुद्धा नाही खाल्लया कधी.

तुमचं जसं डिंगरी (म्हणजे मुळयाच्या शेंगा ना?) बाबत होतं तसं माझं अगदी सुरुवातीला शेपू बाबत व्हायचं. इथे शेपू घेतली की त्याला काही वासच नाही. आमच्या कोल्हापूरला शेपू आणली की घरभर वास सुटायचा. तरी कशिबशी सवय लावून घेतली खाण्याची.

मला शेपू, कारलं, मेथी, पडवळ, भेंडी या भाज्या कधीही आवडतात खायला.
मला तश्या सगळ्याच भाज्या आवडतात. आवडत नाही अशी कोणतीच भाजी नाही. अगदी चंदन बटवा, घोळू सुद्धा मला खूप आवडतात.

माझी एक मैत्रीण मिरजची आहे.

ती तर अजूनही म्हणते की इथल्या (पुण्याच्या) शेपूला आपल्याकडच्या म्हशी पण तोंड नाही लावणार.

अरेच्या माझी इथली, भोपळी मिरची + टोमॅटो + टुना ... पोस्ट कुठे गेली?

२ धागे झालेत चुकून -

>>>> ढोबळी मिरची
ढोबळी/ भोपळी/ सिमला मिर्ची कोणत्याही स्वरुपात आवडते.

मी मिरची, भरपूर वाफवुन + टोमॅटो घालून व परत भरपूर वाफवुन + टुना घालून करते
पण त्यात थोडा गूळ घालतेच. सवय आहे. आणि भरपूर लाल तिखट व मग हवे तसे मसाले (गरम किंवा धणे-जीरे पूड) वगैरे

>>>>आम्ही न फोडता (म्हणजे आतल्या सगळ्या बियांसकट) फक्त,जिरे आणि मीठ घालून तव्यात तेलात थेट Maillard reaction होइस्तो परतवून वरती झाकण ठेवून एक वाफ काढतो. थेट चपाती बरोबर खायला.
अरे मस्त. हे करुन पहायला हवे.

>>>>>थेट Maillard reaction होइस्तो
The Maillard reaction is the chemical process that browns food and creates savory flavors when heated, typically above 285°F

हां हे मीही करते. म्हणजे भाजी जरा लागली की छान लागते म्हणतो ना आपण ते हेच.

होय करते. तुम्ही खाट म्हणता आम्ही खकाणा उडाला असे म्हणतो
मिरचीचा खकाणा उडतो.

फोटोतल्या त्या चुण्या पडलेल्या भोपळी मिरच्या लहानश्या आणि सुंदर आहेत. नक्की चविष्ट असणार. मी ही अश्या बसक्या, चुणीदार निवडुन घेते. मला त्या ढबाड्या, इस्त्री केलेल्या आवडत नाहीत.