नववर्षाच्या स्वागताला पुणे मुंबई एक्स्प्रेस वर ४५ किमीची कोंडी

एक दूरचे ओळखीचे गृहस्थ सांगत होते कि ३१ डिसेंबर आणि १ जानेवारी या दोन्ही दिवशी मुंबई पुणे एक्स्रेस वे जाम झाला होता. गुगल मधे मुंबई पुणे ट्रेफिक जाम / वाहतूक कोंडी असे की वर्डस सर्च म्हणून दिले कि दिसते कि पुणे मुंबई एक्सप्रेस वे वर कोंडी ही नित्याचीच बाब झाली आहे. पण नववर्षाच्या स्वागताला एव्हढा मोठा प्रकार झालाय यावर विश्वास बसला नाही. कारण कुठेही यासंबंधाने ( मला तरी) ऐकू आले नाही कि वाचनात असे काही आले नाही. कुणाचाच विश्वास बसला नाही. कारण जर कुठे बातमी नाही तर यांना ४५ किमी जाम आहे हे गाडीत बसून कसे समजले हा प्रश्न होता. पण ते म्हणाले कि गुगल मॅप वर रांगा दिसत होत्या आणि त्यांनी एका पोलिसाला पण विचारले होते.

ओळखीच्या लोकांना फोन वर विचारले तर कुणालाच काही माहीती नाही. उत्सुकतेने सर्च दिला तर २०२५ च्या ऑगस्ट पासूनच्या मागे खूप बातम्या आहेत. एक गोष्ट लक्षात आली जेव्हां जेव्हां लाँग वीकेण्ड येतो तेव्हां जाम होण्याचं प्रमाण खूप जास्त आहे. पण कॅलेंडर घेऊन बघा. अधून मधून सुद्धा जाम असतोच. इतकेच कि खूप वेळ नाही. खूप वेळ म्हणजे सहा तास वगैरे. एका युट्यूब पोर्टलने ही बातमी सविस्तर दिली आहे. म्हणजे एका ओळखीच्या गृहस्थाने सांगितले आणि त्याला दुजोरा देणारे एक युट्यूब पोर्टल. फारसा विश्वासार्ह मामला वाटणार नाही. ही घटना खरी / खोटी हे बाजूला ठेवूयात. कारण अगदीच अशक्य गोष्ट नाही ही. त्या पोर्टलची लिंक. त्यातली काही माहीती इथे घेतली आहे. टिपून घेतली नाही. त्यामुळे थोड्या चुका असतील.

हा इश्यू खरं तर करंट अफेअर्सचा आहे. पण विचार केला तर महत्वाचा पण आहे. जुना पुणे मुंबई महामार्ग ४८ तास जाम झाला होता तेव्हां या महामार्गाची घोषणा झाली होती. आता हा ही जाम होत असेल तर मग काय करणार ? आता तिसर्‍या महामार्गाची घोषणा झाली आहे. मिसिंग लिंकची घोषणा झाली आहे. पण हे किती काळ पुरे पडणार हा प्रश्न आहे.

पुण्यात दुचाकींनी २०२५ या सालातही विक्रम मोडला आहे. पुन्हा एकदा देशात दुचाकींच्या सर्वाधिक खपाचे हे शहर झाले आहे. एकूण २२ लाख दुचाकी खपल्या आहेत (चु भू दे घे). जीएसटी सवलतीनंतर चार चाकीही तुफान खपल्या आहेत. संपूर्ण देशातच तडाखेबंद विक्री झालेली आहे. पुण्यात खप होण्याचे कारण म्हणजे सार्वजनिक वाहतूक व्यवस्थेचा अभाव. लोकांना रोजच्या जाण्यायेण्यासाठी सार्वजनिक वाहतूक व्यवस्थेवर विसंबून राहता येत नाही. हा शहरांतर्गत प्रॉब्लेम आहे. मेट्रो आहे पण ती बहुसंख्य लोकांना गैरसोयीची आहे. पूर्ण नेटवर्क व्हायला दहा वर्षे लागतील पण त्याआधीच पुण्याची बेफाट वाढ सुसाट सुटली आहे. ती थांबवण्याचे प्रयत्न होताना दिसत नाहीत. सर्वत्र बेकायदेशीर गुंठे पाडून विक्रीचे लोण आले आहे. नवीन रिंग रोडचे काम सुरू व्हायच्या आधीच त्याच्या आजूबाजूला बेकायदेशीर स्कीम्स, प्लॉट्स पाडणे झाले आहे.

इथे रहायला आलेले लोकसंख्येत आणखी भर घालणार आहेत. त्यामुळे मेट्रो तुडूंब वाहणार. तिची पीएमटी होणार आहे. मग पुन्हा ये रे माझ्या मागल्या.

ही वाढलेली लोकसंख्या वीकेण्डला किंवा एरव्हीही फिरायला जाणारच. कारण आता गाडी प्रत्येकाकडे अनिवार्य आहे. मग पुन्हा हायवे ब्लॉक होत राहणार.

यावर पर्मनंट सोल्युशन काय ?
निवडून दिलेल्ञा राज्यकर्त्यांची बुद्धी पुरेशी नाही किंवा इच्छाशक्तीच नाही. ते विपदा मे संपदा बघत असतात. जेव्हढा जाम लागेल तेव्हढा महागडा प्रोजेक्ट आणायचा.

याने समस्या सुटतील असे वाटते का ?
कदाचित बिनखर्चाचे / कमी खर्चाचे सोल्युशन असू शकते. पण त्यासाठी राज्यकर्त्यांमधे इच्छा असायला हवी.

इथे कुणाला सुचतेय का असे सोल्युशन ?

संदर्भ :
१. https://www.youtube.com/watch?v=x3wkC60JpuE

२. https://www.loksatta.com/pune/mumbai-pune-expressway-traffic-jam-lonaval...

३. https://dainikmaval.com/traffic-jam-on-mumbai-pune-route-due-to-tourists...

४. https://news18marathi.com/photogallery/pune/mumbai-pune-expressway-traff...