खाऊगल्ली - आजचा मेनू - (७)

बटाट्याच्या कमळकाचर्‍या आवडल्या.

>>>>इडली फ्राय आहे ते सामो Happy अमूल बटर मध्ये शॅलो फ्राय.
हां तेच म्हटलं बटाट्याला हा शेप दिलाच कसा? छान दिसतायत.

लंपन यांच्या रेसिपी ने दाणा मुठीयानु शाक

फेमस झाली ही रेसिपी..

सुप्रभात

नवरा आणि सासरे- एकाच दिवशी वाढदिवस. 24 डिसेंबर. सासरे 75 वर्षांचे झाले म्हणून केकवर जेम्स च्या गोळ्यांनी 75 असं सजवलं आहे. सजावट आर्टिस्ट माझी मुलगी. Milky bar white chocolate किसून टाकलंय. रगडा पॅटिस पण बड्डे स्पेशल.

केक आणि रगडा पॅटीस दोन्ही मस्त.
लॉकडाउन मध्ये सासूबाईंचा ७५ वा वाढदिवस साजरा केला होता आम्ही दिवाळीच्या दिवसात. त्यावेळी मी केक बनवून त्यावर आधीच जेम्स आणि चॉकलेट च्या तुकड्यांनी ७५ लिहिलं होतं. त्यांचा वाढदिवस खरंतर ऑगस्ट मध्ये असतो पण त्यावेळी आम्ही कोणीच तिथे जावू शकलो नव्हतो म्हणून मग दिवाळीला गेल्यावर साजरा केला होता. वरचा केक बघून तो केक आठवला एकदम.

freshly baked chocolate brownie

जगात भारी चायनीज फूड.
आणि चायनीजमध्ये सिचुआन फूड.
सिचुआन स्टाईल मापो टोफू घरी बनवण्याचा प्रयत्न. त्या निमित्ताने सिचुआन पेपर, चिली बीन पेस्ट अशा चित्रविचित्र पदार्थांची ओळख झाली.
तिखटपणामध्ये कोणतीही दयामाया दाखवलेली नाही. 'माइल्ड' मंडळींना फोटो पाहूनच ठसका लागल्यास आम्ही जबाबदार नाही!

मस्त दिसतेय डिश मोरोबा...

२०२५ मधलं शेवटचे जेवण... Everything homemade

तू खरेच मास्टर शेफ आहेस...
किती वेगवेगळ्या गोष्टी बनवतेस..

अल्पना अगं काय भारी मेन्यू! सॉलिड!

खूप काय भारी नाहीये. फ्रेंच सॉफ्ट सावर्डो लोफ आदल्या दिवशीच बनवून ठेवला होता. काल दुसरा एक ब्रेड बनवून झाल्यावर गरम ओव्हन मध्ये थोडे चीज ठेवून त्यावर काही ब्रेड चे स्लाइस ठेवले आणि काही तसेच ठेवून १२-१३ मिनिटे बेक केलं.
हे होत असताना एका गॅस वर कांदा, टोमॅटो, चेरी टोमॅटो आणि बेसिल वगैरे घालून मरिनारा सॉस तयार होत होता आणि एअर फ्रायर मध्ये बीट, गाजर आणि थोडे चेरी टोमॅटो एकत्रच ग्रील होत होते. झुकिनी आणि मशरूम गॅस वर फ्राय पॅन मध्ये थोड्या तेलावर भाजले, ब्रोकली आणि बीन्स थोडी वाफवू. मग फ्राय पॅन मध्ये परतली.
दही बांधून ठेवलं होते. एका पेस्तो इन्स्पायर चटणी साठी अक्रोड, बेसिल, लसूण, हिरवी मिरची इत्यादी वाटून त्यात थोडं हे बांधलेलं दही आणि लिंबू घातले. दुसऱ्या डीप साठी लसणाच्या पातीच्या ठेच्यात थोडे ऑलिव्ह ऑईल घातले. उरलेल्या दह्यात थोडे पनीर, तिखट - मीठ घालून अजून एक डीप झाले. फळं चिरली. उरलेले थोडे वाफवलेले कॉर्न होते ते घेतलं आणि सगळं असेम्बल केलं. चिकन पण फ्राय पॅन मध्ये परतून शिजवलं.
यात फळं चिरणे, भाज्या फ्राय आणि चिकन फ्राय पॅन मध्ये परतणे आणि सगळं प्लेटिंग नवऱ्याने केलं आहे. मी फक्त ब्रेड बनवणे आणि चटण्या + सीझनिंग आणि नवऱ्याला थोड्या सुचना देणे इतकेच केलं आहे.

अल्पना, काय दिसतोय तुझा मेन्यू... डोळ्यांना ट्रीट, चव ही छानच असणार.

या उचला एकेक..
नवीन वर्षाच्या शुभेच्छा

व्वा
सगळ्या नवीन एन्ट्री जबरी आहेत.
तोंडाला पाणी सुटले....

अल्पना, मस्त मेन्यू!!

अल्पना, तू खूप काय भारी नाहीये. ..म्हणून जे काही वर्णन केले आहे... तेच आमच्या आवाक्याच्या बाहेरचे आहे...!!!
कोण करतं इतका भारी स्वयंपाक घरी!

Keep it up !

तिरुपती बालाजीचे प्रसादाचे लाडू मला प्रचंड आवडतात.. इकडे कुठे तसे लाडू मिळत नाहीत त्यामुळे घरी बनवून बघायचं ठरवलं.. तशीच चव येईल का याबद्दल साशंक होती पण ऑलमोस्ट सेम चवीचे लाडू झाले आहेत... पहिलाच प्रयत्न होता हा..

जुई रेसिपी शेअर करणे, आमच्याकडे कुठलेही लाडू आवडतात.

जुई, लाडू छान दिसत आहेत.

ऋतुराज धन्यवाद..
प्राजक्ता एक कप बेसन मधे दूध मिक्स करून त्याची बुंदी तळून घ्यायची.. एकीकडे साखरेचा पाक बनवून घ्यायचा त्यातच २-३ वेलची कुटून सालीसकट टाकायची.. मी साधारण पाऊण एक वाटी साखर घेतलेली.. तळलेल्या बुंदी पैकी ७५% भाग थोडा बारीक करून घ्यायचा.. काजू, मनुका थोड्याशा तुपात तळून घ्यायचे.. आता हे सगळं एकत्र करायचं त्यात थोडी खडीसाखर आणि अगदी चिमूटभर एडिबल कापूर टाकून लाडू वळून घ्यायचे...
वाचायला थोडी किचकट वाटते रेसीपी पण खूप सोपी आहे बनवायला..

थॅन्क्स जुई ! करुन पाहिल.

सर्वांचे पार्टी मेन्यू मस्त. 👌 अल्पना तुमचं तर टेबलचं उचलून आणावसं वाटतंय.

जुई लाडू मस्त .रेसिपी दिलीस ते बेस्ट झालं.
तिरुपती बालाजीचे प्रसादाचे लाडू मलापण प्रचंड आवडतात. मी एकदाच गेलेय पण अजूनही ती प्रसादाची चव आठवते अगदी अन्नप्रसादम मधल्या सांभार भाताचीपण . या लाडू मध्ये जी कापराची चव लागते त्याने लाडू नेहमीपेक्षा वेगळेच लागतात. मी कधी बनवले नाहीत आता बनवेन अगदी तशीच ऑथेनटीक चव नाही आली तरी पण तू म्हणतेस तसे जवळपास झाले तरी मस्त.

व्हेज उत्तप्पा (हा मी नाही बनवला बाहेरचा आहे पण भारी लागत होता भरपूर भाज्या घातल्याने हेल्दीही)

तिरुपती लाडवांमध्ये तो कापुर मस्त वाटतो खायला. थोडी लवंग पुड किंवा काड्या घालाव्या पाकात. मस्त लागतं बुंदी लाडवात.

सगळ्यांचे मेनू मस्तच !! अल्पना , तुमचे जेवण म्हणजे ट्रीट च आहे डोळ्यांसाठी !! अर्थात चव ही मस्तच असेल !
ऋन्मेष, अतिशय आवडीचा म्हैसूर पाक !! वर्षाची सुरुवात मस्त !
सिमरन , उत्तप्पा एकदम रंगीबेरंगी !!
जाई, लाडूची रेसिपी करून बघेन.