युद्धस्य कथा रम्यहं

युद्धस्य कथा रम्य:
भारताकडे दोन विमानवाहू जहाजे आहेत. सध्याच्या काळात आशियायी देशांसाठी सध्याच्या परिस्थितीत बऱ्याच छोट्या युद्धात विमान वाहू जहाजांचे महत्व अनन्य साधारण आहे. परंतु दुसऱ्या महायुद्धातले शस्त्र अस्त्रांच्या आकड्यानी मन स्टीमित होते. उदा; पर्ल हार्बर वरील हल्याच . मुळातच पर्ल हार्बर हे बंदर अमेरिकेने हवाई बेटांपासून हिसकावून घेतलेले आहे आणि त्यानंतर अमेरिकेचा मोठा विमानतळ व आरमारी तळ तेथे बांधला गेला. या तळामुळे अमेरिकेचे सर्व पॅसिफिकभर वर्चस्व होते. अशा परिस्थिती जपानचे ऑपरेशन टोरा (टायगर) हे यशस्वी झाले. 1941 च्या या हल्ल्यात जपानच्या सहा विमानवाहू नौका व त्यावरील सुमारे तीनशे साठ विमाने सामील झाली होती. दोन अडीच तासात या विमानाच्या ताफ्याने दोनदा बॉम्ब हल्ले करून अमेरिकेचे प्रचंड नुकसान केले. या हल्ल्याने जपानला सर्व पॅसिफिक समुद्र मोकळा मिळाला. बऱ्याच जणांची अशी समजूत आहे की , जपान ने अमेरिकेविरुद्ध युद्धाची घोषणा न करताच हा हल्ला केला. येथे जपानने कायदेशीर चतुराई दाखवली होती. जपानने येथे आंतरराष्ट्रीय डे लाइन चा फायदा घेतला. त्यामुळे हल्ल्यानंतर जरी युद्ध घोषणा झाली तरी अमेरिकन तारखेत ती आदल्या दिवशीच नोंदली गेली आहेत. म्हणतात ना EVERYTHING IS FAIR IN LOVE AND WAR.
धर्मराजाचे 'अश्वत्थामा हतो नरो वा कुंजरो वा' हे उद्गार प्रसिध्दच आहेत.
हे आकडे तर काहीच नाहीत. प्रत्यक्ष युद्धात न उतरता अमेरिकेने प्रचंड युद्ध साहित्य ब्रिटन आणि दोस्तांना पुरवण्यात जो व्यापारी मुत्सद्दीपणा दाखवला होता त्याला तोड नाही. प्रेसिडेंट रुझवेल्टनी दोस्त राष्ट्रांना चाळीस हजार लढाऊ विमाने, चाळीस हजार शेरमन रणगाडे, वीस हजार विमान विरोधी तोफा , सहा लाखाहून जास्त मशीन गन्स आणि असंख्य दारुगोळा देण्याचे मान्य केले.
छोट्या जलदगती अग्नी बाणाच्या हल्ल्यापासून शत्रूला बचाव करणे अवघड होते. आपण ब्राम्होसच्या बाबतीत पाकिस्तान सैन्यांनी केलेली शरणागती पाहिलीच आहे. अति वेगवान गतीमुळे त्याचा मागोवा घेणे अवघड जाते. त्याचप्रमाणे त्याच्यावर मारागीरी करणेही अवघड असते. ब्राम्होस अत्याधुनिक शस्त्र असले तरी त्या मागचे तत्व दुसऱ्या महायुद्धातही वापरले गेले आहे.
जर्मनीचे V1 किंवा बझ बॉम्ब हे अशा प्रकारचे अस्त्र होते. V1 हा अग्निबाण सरळ रेषेत उडायचा आणि अचानक दिशा बदलून जमिनीकडे जायचा. जमिनीकडे जाताना त्याचा स्फोट वयाचा आणि खालील प्रदेशाचे प्रचंड नुकसान व्हायचे. लढाऊ विमाने अथवा विमान विरोधी तोफा या अस्त्रापुढे हतप्रभ झाल्या होत्या. जर्मनीने लंडनवर अशा शेकडो बाणांचा वर्षाव केला. त्यामुळे हजारो लोकं मृत्युमुखी पडले. इतर बरच नुकसान झाले.
या सत्रापासून रक्षणासाठी अनेक कल्पना लढवल्या गेल्या त्यातल्या एका कल्पनेत प्रचंड बलून आकाशात सोडून त्या खाली प्रंचड मोठ्या जाळ्या वापरल्या गेल्या परंतु या जाळ्या एकतर फाटल्या किंवा गाळून खाली पडल्या. V1 ची सुधारित आवृत्ती V2 तर प्रचंड नुकसान करणारे ठरले. उदारणार्थ बकिंग हॅम पॅलेस जवळच्या एका चर्चवर हा फ्लयिंग बॉम्ब पडल्याने आतील दोनशे लोकं मेली. ब्रिटनच्या आणि लंडन वासियांच्या सुदैवामुळे हिटलरला त्याच वेळेस माघार घ्यावी लागली.