बदलावेसे वाटणारे पाश्चात्य एटीकेट्स नियम!

माझ्यासारख्याने करावे तरी काय? >> एव्हढा मोठा प्रश्न कशाला आहे हा ? तुला हव्या त्या भाषेमधे बोलू शकतोस कि. समज कि मायबोलीवर नवा बाफ उघडला आहे (शाखा/स्वजो/सई/हिट्मॅन्/चुम्मा/ धोनी इ.) ह्यांच्यावर नि हो सुरू. समोरचा बघून घेईल कुठल्या भाषेत उत्तर द्यायचे ते. मी भारतात आलो कि महाराष्ट्रामधे सरळ मराठी मधे बोलतो. समोरचाही मग तोडक्या फोडक्या का होईना मराठीमधे बोललाच आहे. जेंव्हा नाहि बोलला तेंव्हाही मी मराठीमधे बोललोय नि कुठेही अडचण आलेली आठवत नाही.

पण बाहेर एखाद्या पंचतारांकित फाईन डाईनमध्ये मात्र तो आक्षेप घेतला जाणार नाही याची मला खात्री नाही >> पंचतारांकित फाईन डाईनमध्ये जर डाळभात ठेवला असेल तर तो नॉव्हेल्टी आयटम असेल तेंव्हा हाताने खाल्लेस म्हणून तुला कोणी हटकणार नाही. आणी हटकलेच तर तूही बाणेदारपणे स्वतःचे पंचतारांकित फाईन डाईन उघड जिथे डाळभात हातानेच खावा लागेल असा नियम कर.

वाहतुकीचे सिग्नल असणे.
हेल्मेट सक्ती
मुळात काही नियम असणे आणि ते पाळायची सक्ती असणे
पैशाने कायदा विकत घेता न येणे
कायद्यासमोर सगळे समान असणे
आणि
लोकशाही.
हे सगळे बदलायचे निकराचे प्रयत्न चालू आहेतच.

नेमका विषय काय आहे ? मागच्या धाग्यावर मला कोण कोण काय काय बोलले हा कि शीर्षकात दिलेला ?
शेवटपर्यंत वाचल्यास काही इनाम / पुरस्कार आहे का ?

चर्चाप्रस्तावाचे धागे ललित लेखनात न काढता चालू घडामोडी नावाचा विभाग तेथे काढा. एडमिनने सोय करून दिली आहे तशी

गळित लेखन असल्याने कन्युजन असेल

शेवटपर्यंत वाचल्यास काही इनाम / पुरस्कार आहे का ?:D

रानभुली

कल्चरल झटके आहेत हो, बाकी काही नाही
बर्म्युडा घालून अमेरिकेन लोक हापिसात जाऊ शकतात
आणि ब्रिटनमध्ये फॉर्मल पेहराव न घालता कोणी हापिसात गेले
तर बाकी लोक भुवया उंचावून पाहतात.

आपल्यासारख्या देशांत पब्लिक या दोन्हींत विभागले गेले आहे. त्यामुळे असे प्रसंग घडतात.

अतुल संपूर्ण प्रतिसादाला अनुमोदन.

अजून एक भर घालावीशी वाटेल. कुठल्याही संस्थेचे नियम त्या देशाच्या कायद्याला छेद देऊ शकत नाहीत. (मागच्या पानावरून पुढे) मी स्वतः परंपराप्रिय आहे कि नाही, संस्कृती रक्षक आहे कि नाही हे महत्वाचे नाही.
इथे अनेकांनी म्हटले असेल कि मी तुझ्याशी असहमत असलो/ले तरी तुझ्या अभिव्यक्तिस्वातंत्र्यासाठी प्राणही देईन.
पण ही वाक्यं निव्वळ सुभाषितं ठरतात. त्यावर अंमल कुणी करत नाही.

त्या बाईच्या हक्काचे रक्षण करण्यासाठी फक्त पाठिंबा दिला असता तरी चालले असते. याचा अर्थ पाठिंबा देणाऱ्यांनी कोल्हापूरी चप्पल घाला किंवा मांडी घालून बसा असा फतवा काढला आहे असा अर्थ होत नाही.
मी मुद्दाम म्हणून अशा ठिकाणी वेगळे वागणार नाही. .

तरी पण जी शिस्त इथे पाळावी असा नियम आहे तो नियम मुळातच चुकीचा आहे असे माझे मत कायम असेल आणि कुणाला त्याबद्दल न्याय मागावासा वाटला तर माझा पाठिंबा असेल. आणि पण जी बाजू (माझ्या मते) न्याय्य आहे ती कितीही ट्रोल झाली किंवा लोकप्रिय नसली तरी तिच्या पाठीशी ठामपणे उभी राहीन.

फक्त धागा लेखकाने चीप करून ठेवलंय त्या प्रमाणे नवीन कायदे नाहीत तर अस्तित्वात असलेल्या कायद्यानुसारच.

तसेच एखादा कायदा जर जगण्याचा अधिकार हिरावून घेत असेल तर त्या लढ्याला माझा पाठिंबा असेल. उदा समलैंगिक लोकांना जाचक असलेला ब्रिटीशकालीन कायदा जो संविधानाच्या कलमांचा भंग करत होता.

हेल्मेट न घालणे हा काही कुणाचा मुलभूत अधिकार नाही. पण एखाद्याला हेल्मेट मुळे मेडिकल प्रॉब्लेम असेल तर त्याच्यावर सक्ती नको याला माझा पाठिंबा असेल. तशी दुरूस्ती कायद्यात झाली आहे. पण त्या व्यक्तीने शक्य असेल तर दुचाकी वापरू नये असे मला वाटते. अर्थात कार घेण्याची ऐपत नसेल आणि सार्वजनिक वाहतूक सेवा गैरसोयीची असेल तर त्या व्यक्तीला बेशिस्त म्हणण्याऐवजी त्याला स्वतःचे वाहन न वापरता आरामात सार्वजनिक वाहनाने जाण्याचा अधिकार मिळत नाही हे वाईट आहे असे म्हणेन. त्याचबरोबर सरकार कुठलेही असले तरी एव्हढ्या मोठ्या लोकसंख्येच्या मुलभूत अधिकारांचे रक्षण करणे शक्य नाही याचीही कल्पना आहे.
पुन्हा कुणी म्हणेल कि मग सरकारने मोजक्या शहरात सर्व संधी निर्माण केल्याचा हा परिणाम आहे, तर हे सुद्धा बरोबरच आहे असे म्हणेन

गुंतागुंतीच्या प्रश्नात एक ते एक नियम पाळले नाहीत ही एकच टेप लावून कुणाला जज्ज करणार नाही.

भाकड गाईचे 'दुग्धदोहन'

दिल्लीचेही तख्त (पक्षी– खुर्ची) राखते कोल्हापुरी चप्पल माझी

हे हास्यास्पद आहे. एखाद्या मराठी मुलाने/ मुलीने राष्ट्रिय स्तरावरचा पुरस्कार मिळवला व तिथे कोल्हापुरी चप्पल घालून स्वीकारला तर मलाही अभिमान वाटेल. हा प्रकार केवळ attention seeking साठी होता.

> त्या बाईच्या हक्काचे रक्षण करण्यासाठी फक्त पाठिंबा दिला असता तरी चालले असते.
तिथे आलेल्या अन्य गिर्‍हाइकांच्या hygienic and aesthetic ambiance च्या हक्काचे काय ?

समजा तुम्ही पुण्याच्या एका हॉटेल मध्ये मॅनेजर अहात, तिथे 'केस विंचरू नये' अशी पाटी आहे. मुंबईवरून आलेली एक सोमी influencer तिथेच केस विंचरू लागली व ' आमच्या मुंबईत चालतय', ' आमच्या घरी चालतय' अशी हुज्जत घालू लागली तर ? तुम्ही काय भूमिका घ्याल ? केस विंचरणे हा तिचा हक्क आहे का ?

ताज मध्ये खुर्चीत मांडी घालुन बसु नये अशी पाटी लावली आहे का?
पाटी लावायच्या आधीच कसे काय कुणाला हटकु शकतात?
आधीच पाटी लावली असती तर ती बाई पाटी पाहुन परतली असती किंवा मांडी घालुन बसली नसती किंवा बसली असती तर मॅनेजरने मॅनेजरने म्हटले असते "काय डोळे फुटलेत की काय? एवढा जाड भिंगाचा चष्मा लावलाय तरी दिसत नाही का पाटीवर काय लिहिलंय? खाली करा पाय!" आणि त्या बाईने "घ्या केले खाली पाय, आता आणा माझी ऑर्डर लौकर" म्हटले असते आणि यावर घमासान चर्चा न होता देशाचा बहुमूल्य वेळ वाचला असता.

मानव, तुमचं आपलं काहीही हा!
पाटी असती तर ती कुठल्या भाषेत आहे, आणि भारताच्या संविधानात किती भाषा अधिकृत आहेत त्या सगळ्या भाषांत का नाही वरुन रणकंदन केलं नसतं असं वाटलंच कसं तुम्हाला? इंग्रजी हिंदी बांग्ला तमिळ तेलगू मध्ये असती तर मराठीची गळचेपी!!! मराठी खतरे मे! मग उर्दु का नाही किंवा का आहे. मग फक्त संस्कृत मध्ये ठेवा.
ते सगळं केलं की मद्राशांच्या कुठल्या सवयी आपण आत्मसात कराव्या वरुन एक धागा तर झालाच पाहिजे!
बाकी तुम्हाला बघुन बरं वाटलं!

तिथे आलेल्या अन्य गिर्‍हाइकांच्या hygienic and aesthetic ambiance च्या हक्काचे काय ? >> बाहुबली पार्ट २ आला ओ विकू, तुम्ही अजून बाहुबली को कटप्पा ने क्युं मारा चंच उत्तर शोधताय.

मानव >>> चप्पल नको असेल तरी बाहेर पाटी असते. दारावर अडवायला हवं होतं. मॅनेजरने पण जेवण झाल्यानंतर नम्रपणे सांगितलं असतं तर बिघडलं नसतं. शेवटी तो व्हिडीओ बघितला. त्यात तो म्हणाला ना "यहां रीच लोग आते है, उनमेसे किसीने ऑब्जेक्शन लिया है " . यातलं रीच लोग हे टाळायला पाहीजे होतं.

एक नातेवाईक एअरफोर्स मधे होते. त्यांनी सांगितलं कि पूर्वी तिन्ही दलांमधे एक नियम होता "सायकल पर आनेवाले गेट मे उतर कर चले"
हा नियम पूर्वीच्या लोकांनी बिनबोभाट पाळला. कारण असे नियम पाळणे हे त्यांच्या हुषारीचे प्रतिक होते. पण नवीन पिढी प्रश्न विचारते. एअर फोर्समधे पूर्वी सुशिक्षित जवानांचा भरणा जास्त असे. त्यांनी हा नियम खूप आधी काढून टाकला. आर्मीने एव्हढ्यात काढला. हा नियम का होता ? कारण सायकलवरून येणारे काळे (भारतीय) असत आणि मोटरसायकल आणि कार मधून गोरे येत. त्यांचा आब राखण्यासाठी ही प्रथा होती.
असे नियम बिनडोकपणे पाळणे चालू द्यायचे का ? शिस्त आहे तर पाळा, पण त्यामागचे लॉजिक नको का विचारायला ?

शाळेत शिकवलेलं ते बरोबरच असतं अशी मानसिकता असते. त्यातून बाहेर पडायला वेळ लागतो. शक्यतो इतिहासाच्या बाबतीत. तसंच ज्या गोष्टी चालत आलेल्या आहेत त्यांच्या बाबतीत मेंटल ब्लॉक तयार होतो.

पूर्वी ताज सारख्या हॉटेल मधे कोण जात असेल ? त्या वेळचा रीच क्लास जो बहुतांश ब्रिटीश धार्जिणा होता. आपली प्रगती व्हायची असेल तर ब्रिटीशांची शाबासककी मिळावी म्हणून यांच्या एका पिढीने घरी डायनिंग टेबल, कटलरी असं चालू केलं. त्यांचे एटीकेट्स आपलेसे केले. ब्रिटीश गेल्यानंतर ही मंडळी आर्थिक सम्राट झाली. त्यांनी तेच एटीकेटस कायम ठेवले. या वर्तुळात बाहेरच्या कुणाचा शिरकाव होत नव्हता. यांना एलिट क्लास नाव मिळालं. मग हे ब्रिटीशांप्रमाणे इतरांना नावं ठेवणे, नाकं मुरडणे करू लागले. आता यांची मर्जी सांभाळण्यासाठी इतरांनी ते एटीकेट्स आपलेसे केले. तेच सिनेमात आले. मग घरोघरी डायनिंग टेबल्स आले. तरी लोक मांडी घालून जेवतातच. बुफे हा एक प्रकार, उभ्याने जेवण करणं कितपत शास्त्रीय आहे माहिती नाही. पण भयंकर अडचणीचा प्रकार असून तो आपलासा केला. कारण पुन्हा तेच.

या सायकॉलॉजीमुळे फाईव्ह स्टारच्या एटीकेट्स वर शंका घेण हे डाऊन मार्केट आहे असं वाटतं. आता मोठ्या प्रमाणावर मध्यमवर्गीयांकडे पैसा आला आहे. ज्या बाईमुळे वाद उफाळून आला आहे तिच्या कंपनीची व्हॅल्यू २२६ कोटी आणि तिची स्वतःची संपत्ती १२५ यकोटींची आहे. टाईम्स ऑफ इंडीयामधे ती बिझनेस अ‍ॅडव्हायजर आहे, झी मधे ती खूप मोठ्या पदावर आहे. टिव्ही १८ आणि अजून एका वाहिनीत पण ती डायरेक्टर किंवा तत्सम पदावर आहे. तिच्या योर स्टोरी डॉट कॉम वर आंत्र्यप्योनर्सची स्टोरी असते. रतन टाटांनी त्यात गुंतवणूक केली आहे. ती काही गर्भश्रीमंत नाही. असे अनेक लोक आता अशा ठिकाणी जातात. त्यांना हे नियम बिन्डोक वाटतात.

क्राऊन / क्वीन शी निष्ठा हा उल्लेख सापडला नाही. सापडला तर त्यावर पण बोलू.

मानव, तुमचं आपलं काहीही हा!

'इथे नवरा बायको ने कचा कचा भांडू नये' अशी पाटी असते का ? एखाद्या जोडप्याने तसे केले तर त्यांना निघून जा असे सांगतीलच ना ?

'न करण्याचा' सेट सान्त नाही तर अनंत आहे. कॉनम सेन्स नसलेल्या लोकांकरता, काय काय लिहीणार?

>>>>>>>म्हणजे राष्ट्रीय पुरस्कार समारंभाला जमलेल्या लोकांच्या
लोक त्या समारंभांना जेवायला येतात, तिथे बसून जेवतात ही नवीनच माहीती कळली मला.

उपहारगृहात गरम वस्तू हाताळल्या जातात. त्या पडून दुखातप होऊ नये म्हणून या आवारात क्लोज्ड टोज शूज घालावे. असं रॅशनेल देऊन एक नियम इथे बालमजुर काम करत नाहीत च्या खाली लिहुन टाका बरं. त्याच बरोबर...
आमच्या खुर्च्यांचे सेंटर ऑफ मास मांडी घातल्यावर बदलते आणि त्यामुळे तुम्हाला, येथील कामगारांना आणि इतर ग्राहकांच्या आरोग्याला धोका पोहोचू शकतो त्यामुळे मांडी घालू नये.
तसेच मांडी घातल्यावर आमच्या खुर्च्या खराब होतात त्यामुळे पायातील कोज्ड टो शूजचा खुर्च्यीच्या बसायच्या भागाला स्पर्ष होणार नाही याची सर्वतोपरी काळजी घ्यावी.
यातील नियमांचे उल्लंघन झाल्यास १ लाख रुपये दंड आणि किंवा त्वरित हाकालपट्टी करण्याचे स्वातंत्र्य प्रशासनाला आहे.
हुकमावरुन.

अहो जरा कॉन्टेक्स्ट मध्ये बोला कधी तरी. हॉटेलात आपण खायला जातो तिथे पादत्राणे खुर्चीवर ठेउन कोणी खात असेल तर हे अनहायजिनिकच आहे.
समारंभांना आपण खायला-प्यायला जात नाही. आणि तिथेही पाय वरती घेउन ब सतच नाहीये कोणी. फक्त पाद्त्राणे घालुन पारितोषिक स्वीकारतायत.

तुम्हाला खात्रीशीर माहीत आहे का - की त्या मुली च्या पायाच्या नखांना 'फंगल इन्फेक्शन' नव्हते? घाणेरडे इन्फेक्शन असते ते. नखे कापताना, अंगठ्याचे मोठे नखच्या नख हातात येते. नखे पिवळी पडतात. पायाला दुर्गंध येते. अणि बरे होण्यास अतिचिवट इन्फेक्शन असते.

चला, दिवाळीचा फराळ संपवायचाय. मांडी घालून मधे फराळ ठेवून सगळे बसून डाऊन मार्केट म म व पार्टी करणार आहोत.
सोसायटीतल्या एलिट क्लासला त्रास झाला तर आम्हाला बाहेर काढतील !

तुम्ही घरात काय वाटेल ते करा. एका ताटात खा का अजुन कसं. सार्वजनिक जागेत जाऊन आम्हाला हवं तेच करू चालणार नाही.

>>>>>>>सोसायटीतल्या एलिट क्लासला त्रास झाला तर आम्हाला बाहेर काढतील !
तुमच्या घरात तुम्ही पादा नाहीतर नांदा. बाहेर सार्वजनिक जागेत कशाला अट्टाहास?

मी कन्विन्स नाही करतै. तुम्हाला ते नियम बिनडोक वाटत नाहीत हा तुमचा चॉईस आहे. मला ते तसे वाटतात.

चप्पल घालून पुरस्कार स्वीकारणे आणी चप्पल काढून मांडी घालून खुर्चीवर बसणे सेम आहे ?

इथे न्यू जर्सीत काही देवळात मोफत जेवण असते, चप्पल काढून मांडी घालूनच जेवतो मीही. ज्यंना हे आवडत नाही त्यांना न जेवण्याचे स्वातंत्र्य आहेच. आमच्या देवळात चालते , मग इतर सर्वत्र चालवून घ्या हा हट्ट चुकीचा आहे.