रंगीत पेन्सिल्स - Wings of Sapphire (Blue bellied Roller)

Submitted by वर्षा on 25 September, 2025 - 23:14

रोलर प्रकारातले पक्षी एकंदरीत सुरेख असतात असं म्हणायला हरकत नाही.
मी आतापर्यंत दोनच रोलर्स पाहिलेत. एकदा कामशेतला दिसलेला इंडीयन रोलर (मराठीत नीलपंख/नीलकंठ?) आणि अलिकडे बाल्टीमोरच्या झू मध्ये दिसलेला हा Blue bellied Roller. त्याचा आफ्रिकन बंधू.

किती देखणं असावं एखाद्याने? फिकट गुलाबी/पीच रंगाची मान, काळे आणि अगदी इंकब्ल्यू रंगाचे पंख. त्यात मध्येच चमकदार आकाशी रंगाचा पट्टा. उडताना हे पसरलेले पंख दहापट जास्त सुंदर दिसतात.

वेगवेगळ्या पोझेसमधल्या असंख्य फोटोंमधून एक निवडणं आणि त्याहीपेक्षा मूळ रंगांच्या शक्य तितक्या जवळ जाणार्‍या छ्टांच्या पेन्सिल्स गोळा करणं हे काम आलं. पंधरा वर्षांपूर्वी घेतलेला ४८ छटांचा Prismacolor पेन्सिल्सचा सेट मदतीला धावून आला. आश्चर्य म्हणजे पेन्सिल्सचा दर्जा अजूनही टिकून आहे हे पाहून धन्य झाले. Happy

त्या निळाईत हरवायला झाले. म्हणून याचे नाव दिले - Wings of Sapphire

Strathmore 300 series artist paper.
Prismacolor premier.
Prismacolor VeryThins.

विषय: 
चित्रकला
शब्दखुणा: 
पक्षी - रंगीत पेन्सील
Groups audience: 
गुलमोहर - चित्रकला
Group content visibility: 
Use group defaults
शेअर करा

Awesome

Submitted by जाई. on 26 September, 2025 - 00:19

भारी
पहिल्या चित्रातील डोळा एखादा मणी चिकटवून बनवला आहे इतका हुबेहूब.. आपल्याकडे बघतोय असे वाटणारा

Submitted by ऋन्मेऽऽष on 26 September, 2025 - 00:27

किती देखणं असावं एखाद्याने >>
तसंच किती सुंदर चित्र काढावं एखादीने Happy

अप्रतिम आलय. त्याची फर पण इतकी हुबेहूब वाटतेय.

Submitted by छन्दिफन्दि on 26 September, 2025 - 01:28

देखणे ते हात ज्यांना निर्मितीचे डोहळे
मंगलाने गंधलेले सुंदराचे सोहळे
_/\_
कधीतरी नक्की प्रदर्शन भरवशील. अशीच सुंदर चित्रे काढत रहा, रंगवत रहा.

Submitted by धनश्री- on 26 September, 2025 - 05:09

सुंदर!

Submitted by स्वाती_आंबोळे on 26 September, 2025 - 08:28

अतिशय सुंदर !!!!
( तुम्ही जलरंगात काम करत असता तर तुम्हाला अधिक गंमत वाटली असती व रंगही अधिक खुलून आले असते, असंही वाटून गेलं ! )

Submitted by भाऊ नमसकर on 27 September, 2025 - 02:20

धन्यवाद वलय, जाई, ऋन्मेष. धनश्री, शशांक, छंदी, वावे, धनवंती, सिमरन, निर्मल, स्वाती, ऋतुराज, लंपन, सुनिधी, अस्मिता, मनीमोहोर, भाऊ!
@भाऊ, जलरंग शाळेनंतर कधीही वापरले नाहीत. पेन्सिल्स माध्यमाची ओळख झाल्यानंतर त्याच्या सुटसुटीतपणामुळे या माध्यमाकडे फारच आकर्षित झाले आणि ही चित्रे करताना फार मन रमते. एकाच बैठकीत अर्थातच करत नाही, रोज थोडा-थोडा प्रोग्रेस करत राहते.
जलरंग किंवा तैलरंगांइतके रंग कदाचित ठळक जाणवले नसतील इथे तर ती अर्थातच माझ्या चित्रातली कमतरता आहे पण जलरंग/तैलरंग/अ‍ॅक्रिलिकपेक्षा तसूभरही कमी नसणारी चित्रे साकारणे या माध्यमातही शक्य आहे असं मला वाटतं.

Submitted by वर्षा on 27 September, 2025 - 17:13

मध्यतंरी पेन्सिल चित्रे करण्यात विविध कारणांमुळे खंड पडला होता. सराव गेलाय असं वाटत असतानाच एका युकेमधल्या कलर्ड पेन्सिल आर्टीस्टची ऑनलाईन वर्कशॉपची जाहीरात पाहिली आणि नाव नोंदवलं. तिने काही चांगली टेक्निक्स शिकवली. अजून खूप सराव लागेल पण ते तंत्र वापरुनच रोलरच्या डोक्यावरील, गळा-मानेपर्यंतची गुलाबीसर पिसे काढण्याचा प्रयत्न केला.
तिच्या वर्कशॉपमध्ये तिने हा चायनीज फ्लायकॅचर करुन घेतला होता:

Submitted by वर्षा on 27 September, 2025 - 17:40

बर्षा सुरेख आहेत चित्रे…

उडतानाचा इन्डियन रोलर पण चितार एकदा. कसला जीवघेणा दिसतो. त्या निळ्या रंगाला तोड नाही.

Submitted by साधना on 28 September, 2025 - 02:59

चायनीज फ्लायकॅचर अप्रतिम !
*...या माध्यमाकडे फारच आकर्षित झाले आणि ही चित्रे करताना फार मन रमते * - माध्यम निवडीचा हा अंतिम निकष आहे व त्यावर अढळ राहावं. मुळात, मी जलरंगाचा पर्याय सुचवणंच चुकीचं होतं. सॉरी.

Submitted by भाऊ नमसकर on 28 September, 2025 - 03:37

@भाऊ, एवढं सॉरी म्हणण्याइतकं काही नाही हो. Happy
झकासराव, मामी, साधना, शशांक, केया, सामो धन्यवाद Happy

>>उडतानाचा इन्डियन रोलर पण चितार एकदा. कसला जीवघेणा दिसतो. त्या निळ्या रंगाला तोड नाही.
साधना अगदी अगदी.

Submitted by वर्षा on 28 September, 2025 - 19:00

Pages