शशक -३- शतककांवर शतके - छंदीफंदी

“यावेळचा गणेशोत्सवाचा धागा बघितलास का..?”

“बघितला ना! काय केलंय..? त्या पाककृती स्पर्धेच्या धाग्यावर शंभर अटी घातल्यात आणि वर अध्याहृत असलेल्या वेगळ्या..”

“ हो ना ते पूर्ण वाचून होईपर्यंत, वरण भात शिजून, सजावट करून insta ला #HomeFoodrRestaurantStyle वाला फोटो टाकला तर शंभर लाईक्स पण येतील. ”

“हा हा हा आणि शशक ? त्यात शंभर तर फक्त नियमव आहेत.. आहेस कुठे? “

“तर काय? हे माबो गणेशोत्सवाचे संयोजक जरा अतीच करतात, नाही?”

“हम्म.. पुढच्या वर्षीपासून शशक स्पर्धेचाचा मसुदा शंभर शब्दात लिहायची अट संयोजकांनाच लागू केली तर..? काय वाटतं तुला ? ”

“अं.....”

****

तळटीप -
संयोजक स्वतः चे व्याप सांभाळून हे उपक्रम राबवायला मेहनत घेतायत त्याबद्दल त्यांचे कौतुक आणि आभार!

शशक क्र ३ चे आवश्यक वाक्य वाचून विचार केल्यावर आठवली ती अनेक वेगवेगळ्या धाग्यांवर येत गेलेल्या नियम/ अटी/ अध्याहृत नियम वगैरे वगैरे.

त्यातच शशक वर येणाऱ्या पोस्टी ( ज्यातील काही द्विशतकी असतात) वाचून सुचलेले...
दोन्ही एकत्र करून असं काहीस झालं.

संयोजक, कृपया व्यक्तिशः किंवा टीका म्हणू.न घेऊ नये.

तळटीप शशक पेक्षा मोठी होऊ लागलीये ..