शशक- १- देवमाणूस - देवासारखा धावून आलेला माणूस! - छंदीफंदी

Submitted by छन्दिफन्दि on 28 August, 2025 - 01:19

सकाळी साडेसातची वेळ, रस्त्यावर शुकशुकाट. पाठीला बॅग लटकावून, हातात कंटेनर घेऊन ती घाईघाईने बस पकडायला निघालेली. EDचं सबमिशन होतं. रात्री अडीचपर्यंत जागून सगळी ड्रॉईंग्स पूर्ण केलेली - ती सगळी त्या कंटेनरमध्ये सुरक्षित होती. अचानक ठेचकाळली, हवेतल्या हवेत तिने स्वतःला सावरलं पण कॉन्टेनरच झाकण तिच्या हातात राहिलं आणि तो गेला गडगडत. काही कळायच्या आत कंटेनरने गटारात डुबकी मारलेली.
सगळी मेहनत त्या गटाराच्या पाण्यात गेलेली बघून जो काही धक्का बसला. तेव्हढ्यात अवचित आलेल्या एका माणसाने क्षणाचाही विलंब न करता, खाली वाकून कंटेनर काढून तिच्या हातात दिले. पाठमोरा तो तसाच पुढे निघाला..
आणि तिने विस्मयचकित नजरेने त्याच्याकडे पाहीले त्याच वेळी डोळ्यातील एक अश्रू गालांवर ओघळला.

***

तळटीप:: ही एक सत्यघटनेवर आधारित आहे. त्या माणसाने माझ्या मैत्रिणीची कित्येक तासांची मेहनत वाचवली होती.

***
शब्दार्थ
ED - Engineering Drawing
कंटेनर

Screenshot_20250827-214911~2.png

विषय: 
उपक्रम
शब्दखुणा: 
littlemoments
शशक
Groups audience: 
मायबोली गणेशोत्सव २०२५
Group content visibility: 
Public - accessible to all site users
शेअर करा

मी विचारणारच होते ईडी काय? मग कंटेनर पाहिला तेव्हा समजलं(खरेच विसरले की का वय झालय?) Proud

आजकाल भलतेच अर्थ आधी डोक्यात येतात. Proud

Submitted by झंपी on 28 August, 2025 - 02:34

मस्त.. आवडली.. आणि महत्त्वाचे म्हणजे फार रिलेट झाली.

कित्येक तासांची मेहनत >>> तासाची?? दिवसांची.. रात्रीची.. महिन्यांची.. स्पेशली आमच्या सिव्हिल इंजिनिअरिंगला.. असे दोन चार किस्से झाले आहेत. काहीना परत मिळाले काहीना नाही.
मी स्वतः तर इतके वेळा विसरलो आहे अशा सगळ्याच गोष्टी की हिशोब नाही. पण मी वस्तू विसरतो हे सगळ्यांना माहीत असल्याने मित्रच चार शिव्या घालून मी विसरलेल्या वस्तू आठवणीने उचलायचे.
आता गेले ते दिवस. आता तसे मित्र नाहीत सोबत. म्हणून दोन बॅग असल्या की त्यातील एक विसरू नये यासाठी मी त्यांची एकमेकांना गाठ मारून ठेवतो Happy

Submitted by ऋन्मेऽऽष on 28 August, 2025 - 02:50

रानभुली, कुमार१, sharmilaR, झंपी, मंजूताई, जाई , ऋन्मेऽऽष, निकु धन्यवाद!

दोन उपक्रम एक प्रवेशिका. >> Lol
हे आवडलं रानभूली

कित्येक तासांची मेहनत >>> तासाची?? दिवसांची.. रात्रीची.. >>> हम्म खरंय. ताशी - person hours मध्ये डोक चालत.
दोन बागांच्या गाठी .. चांगली कल्पना. पण विसरलात तर दोन्ही राहू शकतात.

आजकाल भलतेच अर्थ आधी डोक्यात येतात>>> Lol
l know

म्हणून खालती दोन्ही टाकलं

Submitted by छन्दिफन्दि on 28 August, 2025 - 09:15
नवीन प्रतिसाद लिहा