परकीय भाषेतील "हिंदी/मराठी डब" चित्रपट

Saba Nayagan
Hindi dubbed
ओरिजिनल भाषा – तामीळ
वर्ष – २०२३
कुठे बघाल – Jio Hotstar
जॉनर – RomCom म्हणजेच रोमँटिक कॉमेडी.
IMDB रेटिंग - ६.७

चेन्नईतल्या कुठल्यातरी रस्त्यावर पोलिसांना एक बेवडा (चित्रपटाचा हिरो) सापडतो आणि ते त्याला जीप मध्ये टाकतात. त्यानंतर तो पोलिसांना आपण दारू का प्यायलो याची दर्दभरी रोमांटिक दास्तान सांगू लागतो. अगदी शाळेपासून...पहिल्या प्रेमापासून..

शाळेची लव्हस्टोरी बघताना आत्मपेमफ्लॅट या मराठी चित्रपटाचे वाईबस येतात. एकीकडे स्कूलक्रश, दुसरीकडे मैत्री, तिला इम्प्रेस करणे, तिच्यासमोर लाज जाणे, मित्रांनी मदत करणे आणि शेवटी मैत्री निभावायच्या चक्करमध्ये तिला आपले प्रेम न कळताच ती आयुष्यातून निघून जाणे..

त्यानंतर कॉलेजमध्ये दुसऱ्या मुलीमध्ये जीव गुंतणे. यावेळी कॉलेज स्टाईल लव स्टोरी. थोडी स्टाईल, थोडे राडे.. त्यानंतर तिचा होकार. पण काही कारणाने ती सुद्धा दुसरा कोणीतरी पकडून आयुष्यातून निघून जाणे..

त्यानंतर पुन्हा योगायोगाने स्कूल क्रश आयुष्यात येणे. यावेळी तिला कसेही करून पटवायला खोटे बोलणे, मग लपवाछपवी, त्यात कॉमेडी, शेवटी पकडले जाणे... तिने माफ सुद्धा करणे.. पण.. कहानी मे ट्विस्ट, तो आता सांगत नाही. क्लायमॅक्सची मजा जाईल.

मग एमबीएला ऍडमिशन घेणे. तिथे एक मॉडर्न विचारांची मुलगी आयुष्यात येणे. मग थोडा ड्रामा तिथेही..

एका मागोमाग एक लव स्टोरी जोडत चित्रपट पुढे सरकत आहे असे वाटत असतानाच चित्रपटात एक ट्विस्ट येतो, एक सस्पेन्स उघड होते आणि आतापर्यंत त्याने ज्या सगळ्या लव्हस्टोरीज सांगितल्या त्यांचे अचानक संदर्भ उलगडले जातात. अगदी पहिल्या सीनपासून.. त्यामुळे चित्रपटाची सुरुवात चुकवू नका.

टिपिकल साऊथ इंडियन चुरचुरीत संवाद असलेली कॉमेडी, स्वॅगवाला रोमान्स आणि स्टायलिश ऍक्शन आहे. चित्रपट आवडला तर कधीतरी पुन्हा बघावासा वाटेल असा आहे.

तीन-चार सुंदर हिरोईन बघणे इन्क्लूडिंग हिरोची बहीण हा बोनस आहे.

असेच फुरसतीने एकेका चित्रपटाबद्दल लिहितो..

क्या बात.. शोधला लगेच प्रेमम.
माझ्या सवयीप्रमाणे IMDB रेटिंग बघितली.. ८.३ आहे. भारी.

हॉटस्टार वर आहे पण हिंदी वर्जन नाही.
युट्युब वर सापडले.. त्याची लिंक शेअर करतो.
लवकरात लवकर बघेन. नवीन धागा काढून सविस्तर कथा लिहिणे वसूल झाले. धन्यवाद

https://youtu.be/HH6byjAU74s?si=6xW2oOhrehq8dX37

वरच्या लिंक मधील हिंदी डबिंग फार काही छान जमली नाही असे वाटते.. थोडासा वरवर चाळला.. नंतर वीकेंडला बघेन.

त्या आधी आता गेल्या वीकेंडला पाहिलेल्या एका छान चित्रपटाबद्दल लिहितो.

Court – state vs a nobody
Hindi dubbed
ओरिजिनल भाषा – तामीळ
वर्ष – २०२५
कुठे बघाल – नेटफ्लिक्स
जॉनर – नावाप्रमाणेच कोर्ट ड्रामा
IMDB रेटिंग - ७.९

Highly Recommended

न्यू रिलीज चित्रपट आहे. ४ ते ५ कोटी रुपयामध्ये बनवला आणि ५७ कोटी कमावले. एखाद्या चांगल्या चित्रपटाला बॉक्स ऑफिस सक्सेस मिळालेले बघून बरे वाटले.

सुरुवात साधारण सैराट सारखी होते. वॉचमनचा मुलगा आणि श्रीमंत राजकारण्याची मुलगी. फक्त इथे सीन असा असतो की मुलगा असतो १९ वर्षांचा आणि मुलगी १७ वर्षांची. जेव्हा तिच्या घरी हे कळते तेव्हा मुलावर POCSO Act अंतर्गत केस टाकली जाते.

The POCSO Act, or the Protection of Children from Sexual Offences Act, is a comprehensive Indian law enacted in 2012 to protect children from sexual assault, sexual harassment, and pornography.

सुरुवातीचे अर्धा पाऊण तास साधा सुधा वाटणारा चित्रपट कोर्ट ड्रामा सुरू झाल्यावर जबरदस्त रंगत जातो.
केस लढणाऱ्या वकिलाची आपली एक कहाणी आहे. त्याची ही पहिलीच केस असते. त्याला स्वतःला सिद्ध करायचे असते. त्या मुलाच्या घरच्यांना आधी दुसऱ्या एका वकिलाने फसवल्यावर हा त्यांची केस घेतो. त्याचे काम जबरदस्त झाले आहे. आधी साधासुधा सपोर्टिंग कलाकार वाटणारा वकील नंतर हिरोच्या आवेशात केस लढू लागतो हा आत्मविश्वासातील बदल छान दाखवला आहे.

म्हटले तर केस मध्ये तितकाही दम नसतो. पण आपल्याकडे फार काही पारदर्शक कारभार चालत नाही. त्यामुळे जर कोणी आपले पद आणि पैशाच्या जीवावर या कायद्याचा गैरवापर करायचे ठरवले तर काय होऊ शकते याची झलक बघायला मिळते. शेवट त्याच नोटवर केला आहे. पण सत्याच्या बाजूने आहे. आवर्जून बघा.

केशवकूल तुम्ही दिलेला व्हिडिओ आपल्या देशात ब्लॉक आहे असा मेसेज येतोय

दक्षिणा यांची पोस्ट वाचून उत्सुकता वाढली आहे.
त्यात सलमान डूलकर सुरुवातीपासूनच आवडीचा ..

माबोवाचक धन्यवाद आणि तुमच्या संपूर्ण पोस्टला +७८६

Kannum Kannum Kollaiyadithaal
पाहिला मी हा चित्रपट
मस्त होता. आवडला. कमालीची झोप येत होती पण शेवटचा पाऊण तास राहिला होता तो सोडणे अवघड होते.
रेको बदल धन्यवाद

यात जो मध्यंतरानंतर ट्विस्ट आहे तो पाहून नुकताच पाहिलेला मारिसन चित्रपट आठवला. अर्थात त्याची जातकुळी वेगळी आहे.
नेटफ्लिक्सवर आहे. त्यावर सुद्धा या धाग्यावर लिहिणार होतो पण गणपतीच्या नादात लिहायचे राहिले.

केशवकूल, वर दिले आहे ते चेक करतो वीकेंडला निवांत!

Thudarum पाहिला आहे मी. छान आहे.
स्पेशली पूर्वार्ध क्लास आहे.
उत्तरार्धाने मात्र निराश केले. म्हणजे वाईट आहे असे नाही, पण मारधाड करत ॲक्शन हिरो सारखे बदला घेणे मला अपेक्षित नव्हते. बुद्धीचा वापर करत प्लॅनिंग करणे अपेक्षित होते.

तेव्हा सामान्य माणसाला कायदा हातात घ्यावा लागतो रे ऋन्मेष
>>>>
दक्षिणा, उत्तरार्ध आवडला नाही असे नाही. फक्त अपेक्षा वेगळ्या पद्धतीने बदला घेतला जाईल या होत्या. पूर्वार्ध इतका भारी जमलेला असताना आणि मोहनलाल सारखा कलाकार हाती असताना याहून वेगळेपणाची अपेक्षा चुकीची सुद्धा नव्हती

लकी भास्कर अर्थातच पाहिला. मला असले स्कॅम चित्रपट त्यातही शेअर मार्केटचे आवडतात. यातले फार काही कळत नसल्याने कुठल्याही चुका न काढता एन्जॉय करता येतात

Maareesan / मारिसन
Hindi dubbed
ओरिजिनल भाषा – तामीळ
वर्ष – २०२५
कुठे बघाल – नेटफ्लिक्स
जॉनर – Comedy, drama, thriller
IMDB रेटिंग - ७.५

कथेचा पहिला नायक एक छोटी मोठी चोरी करणारा चोर.
जो एका घरात चोरी करायला शिरतो. जिथे त्याला कथेचा दुसरा नायक भेटतो. आणि त्याला अल्झायमर झाला असतो.
हा त्याला थोडेफार पैशांना लुटतो आणि लुटत असतानाच त्याच्या लक्षात येते अरे ही तर सोन्याची कोंबडी आहे. याला आपण त्याच्या आजाराचा फायदा उचलत आणखीही बरेच लुटू शकतो.
त्यामुळे हा त्याला उलट्यासुलट्या भूलथापा मारून आपल्यासोबत एका रोड ट्रिपला घेऊन जातो. या ट्रिपमध्ये काही प्रासंगिक विनोद घडतात.

हल्ली या अल्झायमर आजाराचे अचानक खूप सारे चित्रपट का बनवू लागले आहेत कल्पना नाही पण इथला आजार वाटतो तितका साधा सरळ नसतो.
यात कधीतरी कुठेतरी एक हलकासा ट्विस्ट येतो आणि हलक्या फुलक्या पद्धतीने पुढे सरकणाऱ्या कथेला आणि आधीच्या सर्वच प्रसंगांना एक वेगळा अर्थ प्राप्त होतो. जणू चित्रपट डोक्यावर फिरतो.

कोणाला कमी आवडेल कोणाला जास्त. पण वेगळ्या धाटणीचा चित्रपट आणि प्रमुख पात्रांच्या अभिनयातील सहजता म्हणून एकदा पूर्ण जरूर बघाल.