Submitted by तो मी नव्हेच on 14 August, 2025 - 08:59
कधी तरी पावसानं स्वच्छ रिमझिम यावं
मनातलं तिच्या मला खरंच कळावं
खरं कळूनही मी तिला उगीच छळावं
अन् अंगणातील अबोलीनं हळूच फुलावं
अंगणातील अबोलीनं हळूच फुलावं
नाजूक, हिरवं रूप तिचं गुलाबी खुलावं
मनी माझ्या मोगर्याने टपोरं हसावं
अन् मनातलं हसू तिला डोळ्यांत दिसावं
मनातलं हसू तिला डोळ्यांत दिसावं
अन् गुलाबी रंगास तिच्या उधाणच यावं
रंगांमध्ये मोगर्याने तिच्या रंगून जावं
तिच्या मनातलं गुज माझ्या ओठांवर यावं
तिच्या मनातलं गुज माझ्या ओठांवर यावं
गजर्यात दोघांनीही असं एकरूप व्हावं
रंग-गंधांचं 'मी' पण त्यात वाहूनच जावं
कधी तरी पावसानं स्वच्छ रिमझिम यावं
- तो मी नव्हेच
विषय:
Groups audience:
Group content visibility:
Use group defaults
शेअर करा
वाह..
वाह..
ओळींची पुनरुक्ती आवडली.
पहिली आणि शेवटची खासच..
छान आहे आणि शेवटच्या ओळीने
छान आहे आणि शेवटच्या ओळीने पुढच्या कडव्याची सुरुवात करण्याची प्रयोग शीलता आवडली. हा असा छंद मला वाटतं इंग्रजीत आहे. पूर्वी एक कविता माहीत होती मला. आता पूर्ण विसरले आहे.
धन्यवाद अनिरुद्ध, धन्यवाद
धन्यवाद अनिरुद्ध, धन्यवाद सामो