आई तुझ्या कुशीत

शीर्षक.. ... आई तुझ्या कुशीत

पाय टाकताच घरी ,तुला भेटण्याची घाई 
मुख दिसता आईचे, मन आनंदूनी जाई. धृपद

सारे मिळता जगती, मन हर्षते खुशीत.
सुख स्वर्गाचे लाभते ,फक्त आईच्या कुशीत 
काय हवे नको पाही. सदा काळ हीच आई. १

हवे ते ते मिळण्याची, कुटुंब जनांना ग्वाही.
करी दुर्लक्षित स्व ला , विचार दुजांचा राही.
परि पूर्णता करण्या , मन गुंततच जाई. २

असता ती मजपाशी तीर्थे तिच्या चरणाशी
खरच मी भाग्यवान,  नको वाटे जाणे काशी
शब्द सुमने गुंफून, तव गुणगान गाई.
मुख दिसता आईचे, मन आनंदून जाई. ३

वैशाली वर्तक
अहमदाबाद