अलवार सुगंध मोगरीचा

Submitted by Meghvalli on 18 March, 2024 - 04:41

अलवार सुगंध मोगरीचा
दरवळला माझ्या मनांत
जणु मिठीत सरुन माझ्या
तु शांत नीजली आहे ।।१।।

अधिर कटाक्ष तुझा
अंगी रोमांच दाटलेले
ती भेट चांदण्यात
मनांत जपून आहे ।।२।।

बरसतात श्रावण सरी
अंग चिंब भिजलेले
निसर्ग हा सजलेला
प्रेम गीत गात आहे ।।३।।

बंद होतां पापण्या
तुलाच पाहतो मी
पुर्ण चंद्र आसमंती
स्वरुप तुझेच आहे ।।४।।

श्वासात तुच माझ्या
तुच स्पंदनात आहे
तुच नादब्रह्म माझा
ओंकार तुच आहे।।५।।

स्पर्श तुझा होताना
फुलपाखरू मनात फुलले
जणु शुष्क धरेला
वैशाख सर आहे ।।६।।

ह्या भावना सुगंथी
पेरल्या कुणी मनांत
झंकारली तनु माझी
जणु सितार आहे ।।७।।

रविवार १८/२/२०२४ , ८:५८ AM
अजय सरदेसाई (मेघ)
अलवार = मृदू , नरम

meghvalli.blogspot.in

विषय: 
नातीगोती
शब्दखुणा: 
सुगंध
कटाक्ष
श्रावण
स्वरुप
ओंकार
सितार
Groups audience: 
गुलमोहर - कविता
Group content visibility: 
Public - accessible to all site users
शेअर करा

>>>तुच नादब्रह्म माझा
ओंकार तुच आहे

छान.

पोथी पढ़ि पढ़ि जग मुआ, पंडित भया न कोय,
ढाई आखर प्रेम का, पढ़े सो पंडित होय।

Submitted by सामो on 18 March, 2024 - 07:57