Archive through June 21, 2007

Hitguj » Gulmohar » शालिवाहन शके १९२९ (२००७-२००८) » निज ज्येष्ठ » ललित » Dil se re » Archive through June 21, 2007

« Previous Next »

Slarti
Monday, June 18, 2007 - 10:08 pm:

दाद, वडलांस !! गाणे परत ऐकले. मग परत वाचले आणि परत ऐकले. संगीत आणि शब्द यांचा संबंध जो उलगडून दाखवला आहेस ते केवळ केवळ आहे ! गीत आधीपासून अतिशय आवडते, पण आज पूर्ण सापडले. तुला धन्स.
तुझ्या मनात असेच काही इतर गाण्यांबद्दल असेल तर ते वाचायला आवडेल.

Bee
Tuesday, June 19, 2007 - 2:12 am:

मी हे गाणं पुर्ण कधीच ऐकलेलं आठवत नाही. पण आता 'पहिला लेख' वाचून ऐकावसं वाटतं. मी फ़क्त सुरवात ऐकलेली आहे ह्या गाण्याची पुर्ण गाण बहुतेक मी बंद केल असेल कारण मंजुच्या आईबाबांसारखीच बहुतेक माझी प्रतिक्रिया झाली असेल.. सहसा नविन गाण्यांबाबत होतेच होते.

दाद, वेगळं काहीतरी लिहित असते, हे छान आहे, keep it up!!!!!!

Psg
Tuesday, June 19, 2007 - 4:59 am:

दाद, तुझी लिखाणाची शैलीच फ़ार जबरदस्त आहे.. मनापासून, बांध फ़ोडून लिहितेस तू..

रेहमानचा आवाज ऑफ़बीट आहे आणि काहीकाही गाण्यांना त्याच्या आवाजाशिवाय पर्यायच नसतो.. त्यापैकी हे एक गाणं. अजून कोणी इतक्या आर्ततेनी हे गाणं नाही गाऊ शकणार. पण याच चित्रपटातलं 'ए अजनबी' हे गाणं मला जास्त आवडतं.

Aaftaab
Tuesday, June 19, 2007 - 5:34 am:

दाद, अप्रतिम...
१९९९ २००० मध्ये कलिफ़ोर्नियातल्या बर्याच long drives ची साथ 'दिल से' ने दिलीय मला.. ते सगळं आठवलं. मन पुन्हा थोडं जिवंत झालं...
उगाच नाही गुलज़ार आणि रेहमान हे combination हिट झालं...
'लगान' मधलं 'बार बार हा.." हे दुसर्‍या कुणाच्या आवाजात ऐकु शकु का आपण? त्यातलं 'टूट गयी जो... उंगली उठ्ठी" कसलं अवघड आहे.
प्रसून जोशी म्हणतो की रेहमान बरोबर काम करताना एक वेगळाच अनुभव येतो..
"नही सामने ये अलग बात है.." बद्दल लिहिलेलं वाचायला आवडेल..

Mi_anu
Tuesday, June 19, 2007 - 6:32 am:

मला तुमच्या स्पर्धा या लेखावर प्रतिसाद द्यायचा होता. तो बेदम आवडला. पण बहुतेक आर्काइव्ह मध्ये गेल्याने देता आला नाही.
गाणे चांगले वाचले आहे. मधेमधे जरा संगीताचे माझे ज्ञान कमी असल्याने कळले नाही.
माझी फर्माइश्: सतरंगी रे गाण्याचे असेच रसग्रहण करा. मला ते खूप आवडते.

Swaatee_ambole
Tuesday, June 19, 2007 - 2:20 pm:

दाद, छान लिहीलं आहेस. रशमोन effect इथेही कसा work होतो त्याची मजा वाटत राहिली वाचताना. एकच ३ ते ५ मिनिटांचं गाणं, पण त्यात प्रत्येक जण काहीतरी निराळंच ऐकत असतो ना? मला या गाण्यात ऐकू येणारे आवाज, त्यांचे परिणाम आणि शब्दांचा आणि या सगळ्या ' नादाचा' लागलेला अर्थ खूप निराळा होता, पण तुझा अर्थ वाचायलाही खूप मजा आली. मुळात ' गाणं ऐकणं' आणि ते असं ' सर्वांगाने अनुभवणं' यातला फरक खूप छान दाखवून दिला आहेस. ज्यांना हे असं अनुभवणं जमतं ते भाग्यवान.

Supermom
Tuesday, June 19, 2007 - 3:14 pm:

स्वाती, एकदम डिट्टो.
दाद, तुला दाद द्यायला मला शब्द नेहेमीच अपुरे पडतात.

Mansmi18
Tuesday, June 19, 2007 - 7:54 pm:

दाद,

"दिल है तो फ़िर दर्द होगा, दर्द है तो दिल भि होगा"
हे वाक्य मला अजुनही नीटसे पचले नाही आहे पण तुझे त्यावरील विवेचन छान वाटले वाचायला.

दुसरे एक गाणे आहे गुलझार साहेबान्चे "सातो बार बोले बन्सी, एकही बार बोले ना" हे "दिल पडोसी है" या सन्ग्रहातले. ऐकायला मला खुप आवडते पण अर्थ काही झेपला नाही. तुला कळला तर लिहिशील का?

धन्यवाद.

Devdattag
Wednesday, June 20, 2007 - 4:00 am:

दाद.. छानच लिहिलं आहेस.. हे गाणं पहिल्यांदा ऐकलं तेंव्हा हे गाणं कळण्याची अक्कल नव्हती. आताही आहे असं नाही..

, पण त्यात शहारूख असल्याने गाणं आवडलं नव्हतं..

पण हळू हळू हे गाणं आवडायला लागलं.. तसं बघितलं तर ह्या गाण्यात गुलझार आणि ए आर रेहमान ह्या दोन्ही प्रतिभा वेगळ्या उठून दिसतात. फक्त शब्दांचा विचार केला तर ह्या गाण्यात वार्‍याच्या वहाण्याचा background effect जाणवत रहातो. पहिल्या कडव्यात हा वारा झाडा झुडपातून आपल्यला घेउन जातो, तर दुसर्‍याकडव्यात पाण्यावर हलके तरंग निर्माण करतो. डोळे बंद करून ह्या गाण्या बरोबर वहावत जाण्याचा अनुभव मी बर्‍याचदा घेतलाय

Daad
Wednesday, June 20, 2007 - 6:22 am:

धन्यवाद, सगळ्यांचे. माझ्यासारखे बरेच वेडे आहेत हे पाहून बरं वाटलं ;)
ए, देवा, शाहरुख ला बाजूला ठेव(मला आवडतो, रे)
याच चित्रपटातलं ऐ अजनबी माझही आवडतं.
तक्षकची गाणी ऐकली नाहीयेत अजून पण असामी, ऐकल्यावर जमल (आणि असं आत आत उतरलं तर) जरूर लिहीन.
तशी झिरपलेली अनेक गाणी आहेत.
नवीन दिग्दर्शकांत ए आर ऐकते. जुन्यात, मदन मोहनचं मायाजाळ उतरू नये, याच नव्हे तर पुढल्या कोणत्याही जन्मात असा नवस बोललेय.
अख्तरीबाई ही झालेली आणि ताजी ठेवलेली जखम.

एकाच ऐकण्यात दृश्यमान झालेल्या गाण्यांतली दोन गाणी श्रावणात घननीळा आणि तुझे गीत गाण्यासाठी.

गाण हा एकूणच जिव्हाळ्याचा विषय.
असो..... परत एकदा thanks आणि भेटूच परत.

Zelam
Wednesday, June 20, 2007 - 12:45 pm:

दाद आवडलं गं.
म्हणजे आपल्याला एखादं गाणं खूप आवडतं, त्याची नशा चढते आणि परत परत आपण ते ऐकतो. पण ते का आवडलं हे कदाचित शब्दात नाही सांगता येणार. पण तेच काम छान केलयस तू.

Maitreyee
Wednesday, June 20, 2007 - 1:43 pm:

मलासुद्धा रहमान ची गाणी आणि दिल से... ही आवडतं.. पण... इथे 'पण' नन्तर चे लिहायला मला जरा हिम्मत करायला लागणार

पण.. मला नेहमी रहमान वगैरे च्या south indian गाण्यांमधे जे जाणवतं ते इथेही वाटतं..(या गाण्यात दर्द है तो दिल भी होगा वगैरे अशा एक दोन ओळी आहेत) गाणं जर आधी तमिळ मधे चालीसह तयार असेल आणि हिन्दीत आणायचं म्हटल्यावर चालीत बसवायला शब्दांची कसरत करून कोंबाकोंब केल्यासारखं वाटतं! आणि रहमान सुन्दर च गातो, गायलाय पण सरळ सरळ सदोष हिन्दी उच्चार आहेत त्याचे. ते या गाण्यात पण लपत नाहीत. तुम्हाला कुणाला नाही का हे जाणवलं? मल अहे गाणं ऐकायला खूप आवडतं पण विचार केला तर या गोष्टी खटकतात च.
शलाका पण तू तुला ते कसं भावलं ते मात्र लिहिलयस छान, as usual !

Asami
Wednesday, June 20, 2007 - 3:44 pm:

तक्षकची गाणी ऐकली नाहीयेत अजून पण असामी, ऐकल्यावर जमल (आणि असं आत आत उतरलं तर) जरूर लिहीन. >> देव करो नि तसेच होवो.

Mansmi18
Wednesday, June 20, 2007 - 4:06 pm:

मैत्रेयी,

"दिल है तो फ़िर दर्द होगा, दर्द है तो दिल भि होगा" हे वाक्य कोंबलेले वाटले मला पण. पण दाद आणि इतरानी त्यातुन अर्थ काढला तो मला आवडला.

गुल्झार साहेब काळाबरोबर बदलत चालले आहेत याची जाणीव होतेय. उदा. "उठाए फिरते थे एहसान दिल का सीने पर..ले तेरे कदमो मे ये कर्ज़ भी उतार चले" लिहिणार्‍या गुल्झार साहेबाना
"आन्खेन भी कमाल करती हैं personal से सवाल करती हैं" असे धेडगुजरी लिहावे लागते. असो हे विषयांतर झाले.

दाद, आणखी गाणी "पहायला" आम्हाला आवडेल.

धन्यवाद.

Asami
Wednesday, June 20, 2007 - 4:57 pm:

"आन्खेन भी कमाल करती हैं personal से सवाल करती हैं" >> मला वाटते हे मुद्दम केलेले आहे. त्या पूर्ण गाण्यामधे rather movies मधल्य बहुतेक गाण्यांमधे हा प्रयोग केला आहे.

आरतीने ह्यावर कुठेतरी छन लेख पण लिहिला होता मागे.

Hems
Wednesday, June 20, 2007 - 8:26 pm:

दाद, गाणं पुन्हा ऐकलं..तुझ्या लेखाला साक्षी ठेऊन ! गाणं तर छान आहेच पण तुझं या गाण्यानं वेडावून जाणं मला जास्त आवडलं !
अजून लिही please!

Ksha
Wednesday, June 20, 2007 - 8:36 pm:

मैत्रेयी,
तुझा मुद्दा बरोबर आहे. मूळ गाणे तमिळ असल्याने हा "कोंबाकोंबी"चा प्रकार जाणवतो खरा! बॉम्बेमध्ये पण जाणवलाय तो. पण दादने इथे उच्चारांबाबत मुद्दा मांडलेला नाहीये. त्या शब्दांमध्ये व्यक्त झालेल्या भावना संगीताच्या मार्फत ए. आर. ने जशा मांडलेल्या आहेत त्याच्यावर हे ललित आहे. आणि ती देखील लिखिकेची अनुभूती आहे. तुम्हाला येणारा अनुभव किंवा त्या गाण्याविषयीच्या भावना सर्वस्वी वेगळ्या असू शकतात.

अशा वेळी सहसा लेखाच्या विषयावर काथ्याकूट न करता "लेखक / लेखिकेचा अनुभव आपल्यापर्यंत पोहोचतोय का" याबद्दल बोलणे जास्त प्रशस्त वाटेल. आणि माझ्यामते दाद त्यात छान यशस्वी झाली आहे. शब्दांचं म्हणांल तर गुलज़ारसाहेबांना शब्दांची कमी नाही. यांच चित्रपटातलं "जिया जले" ऐकलं की त्याची खात्री पटते! मला स्वतला ते गाणं "दिल से रे" पेक्षा जास्त आवडतं. पण त्यामुळे दादने जे लिहिलय त्याला कुठेही धक्का लागत नाही. कारण मी "दिलसे रे" या गुलज़ार / ए. आर. च्या कलाकृतीकडे बघत नाहीये ... या लेखाकडे बघतोय आणि ती सर्वस्वी लेखिकेची निर्मिती आहे!

याउपर आपणांस अभिव्यक्तीस्वातंत्र्य आहेच!
दिवा घ्या म्हणजे झालं

Maitreyee
Wednesday, June 20, 2007 - 9:19 pm:

याउपर आपणांस अभिव्यक्तीस्वातंत्र्य आहेच!
दिवा घ्या म्हणजे झालं.. अरे बाप रे किती ते मोजून मापून काळजीपूर्वक लिहितात हल्ली लोक.. अहो दिव्याची वगैरे गरज नाहिये :-)

आणि शलाकाच्या लिखानाबद्दल मी शेवटी वाक्य लिहिलेय ते पहा की. बर असो.

Daad
Thursday, June 21, 2007 - 7:25 am:

हो, एक सांगायचं राहिलं- हे गाणं ऐकून मी हा लेख लिहिला तेव्हा हे गाणं मूळच तमिळ भाषेत आहे आणी मग हिंदीत केलय हे माहीत नव्हतं. तसच, तो मूव्ही तर मी बर्‍याच नंतर पाहिला (चित्रिकरण आवडलंही).
गोबूचं " new ways... " वाचलं आणि आठवलं की आपण दिल से वर लिहिलय काहीतरी. मग पोस्टलं. तेव्हा गोबूदांना शुक्रिया.
ए आरचे उच्चार मला तरी खटकलेले नाहीत (हे बाकिचं ऐकण्यात सुटले असतीलही). त्यांच संगित नियोजन analyse करण्याचा प्रयत्न करते मी. लाटा आल्यासारखे एका-मागोमाग एक वेगवेगळ्या texture चे rhythms , sampled sounds तो गाण्यात introduce करतो आणि तसेच काढूनही घेतो. कधी कधी अनेकानेक व्हायोलीन्स, छेल्लो वाजतात (बार बार हा, बोलो यार हा यातला मधमाश्यांचं मोहोळ चालल्यासारखा आवाज) तर कधी एकही स्वर वाद्य नाही नुसता ढोलकच (गा, तू दिलके तारोंपे गा, गीत ऐसा कोई नया मूव्ही आठवत नाही).
ताल से ताल मिला मध्ये नुसत्या थेंबांच्या आवाजाने सुरू होतं गाणं.
रंग दे बसंती मधलं 'ऐ साला' - नुसत्या गिटारवर आहे ते गाणं.
ही त्याची करामत भावते मला. मग त्याचा चालीशी, गाण्याशी, situation शी संबंध वगैरे analyse करण्यात जरा बरा वेळ जातो ;)
मी ही ह्याची देही त्याला ऐकला मेल्बोर्न मध्ये. पण बच्चा दिलका सच्चा है- स्वत्:हून कबूल केलं की तो एक studio artist आहे आणि असे जाहीर programs is not his cup-a-tea .
असो... विषयांतर झालं असेल तर mod हो, उडवून टाका ही पोस्ट.

Swaatee_ambole
Thursday, June 21, 2007 - 11:12 am:

दाद, ' गा.. तू दिल के तारोंपे गा' हे ' झुबैदा' मधलं आहे. सगळीच गाणी सुंदर आहेत त्यातली.

रहमानचे उच्चार मलाही खटकत नाहीत. ( उलट आवडतात)