Archive through June 05, 2007

Hitguj » Gulmohar » शालिवाहन शके १९२९ (२००७-२००८) » अधिक - ज्येष्ठ » काव्यधारा » झुळूक » Archive through June 05, 2007

« Previous Next »

Gobu
Thursday, May 31, 2007 - 11:33 am:

मित्रहो,
माणिक, जगु, रुप्स, प्रीती, श्यामला, मनोगत, राजा, अजुका, झेलम रविशा,....
या सार्‍या सुन्दर चारोळीचे के पुस्तक छापायचा विचार आहे
(मला खुप पैसे मिळाल्यावर!

पण पैसे मिळवण्यासाठी मोठ व्हायला लागते असे ऐकलय!

एकन्दरीत अवघड आहे बुवा!

)

Rajya
Thursday, May 31, 2007 - 12:12 pm:

माणिक, जगु, रुप्स, प्रीती, श्यामला, मनोगत, राजा, अजुका, झेलम रविशा,....
या सार्‍या सुन्दर चारोळीचे के पुस्तक छापायचा विचार आहे

गोबु, आयडिया मस्तच आहे.
चला मीच सर्वांना विचारतो.
गोबु, जगु, श्यामली, रुप्स, माणिक, प्रीती, मनोगत, अज्जुका, झेलम, रविशा, गणेश, पूजा, बी, मी आपल्या चारोळ्या काॅपी करुन घेऊ का?

१५० ते २०० चारोळ्या जमल्या तर प्रकाशीत करु.
ज्यांच्या चारोळ्या असतील त्यांच्या नावाने प्रकाशीत करु, जर आपली इच्छा असेल तर.

चला तर जो या प्रोजेक्टला मान्यता देईल त्याच्या चारोळ्या आजपासुन काॅपी करायला सुरुवात करतो.

चला मंडळी आपला आपला होकार कळवा.

Ravisha
Thursday, May 31, 2007 - 1:33 pm:

धन्यवाद मंडळी,कालच मी माझे पहीले पोस्ट आणि आयुष्यातील पहीली चारोळी लिहीली..प्रतिसादामुळे हुरुप आला...प्रकाशनाचा प्रकल्प उत्तम आहे...त्या निमित्ताने अजुन काही लिहिण्याचे धाडस करेन....

Mankya
Friday, June 01, 2007 - 4:25 am:

रडायचं नाही ठरवलं की
आपूसच भरून यायला लागतं
मनही मग लगेच सोयीस्कर
त्याचं कारण शोधायला लागतं !

माणिक !

Jagu
Friday, June 01, 2007 - 4:53 am:

राजा, चांगली कल्पना आहे. माझी अनुमती आहे. पण पुस्तकात तू आमची खरी नावे टाक. नविन प्रकल्पासाठी तुला शुभेच्छा.

गोबू, तुझी इच्छा पुर्ण होईल अस वाटत आहे.

Jagu
Friday, June 01, 2007 - 5:16 am:

मनातील भावना कधी कधी
डोळ्यातून बरसतात
तुझ मन त्यात चिंब व्हाव
ह्या अपेक्षेत असतात.

Jagu
Friday, June 01, 2007 - 5:21 am:

दोन पापण्यांच्या मिटण्याने
मोती रुपी अश्रू जन्म घेतो
अलंकार त्याचा बनवून
पेटीत जतन करावासा वाटतो.

Ajjuka
Friday, June 01, 2007 - 5:46 am:

माझ्या चारोळ्या छाप तू तुला आवडल्या असतील तर पण नाव नको माझे..

Rajya
Friday, June 01, 2007 - 6:39 am:

अरे माणक्या, तुझं मत नाही दिलं चारोळी प्रकाशनाबद्दल.

Gobu
Friday, June 01, 2007 - 5:14 pm:

माणिक,
तुझी मेल मिळाली
अरे चारोळीचे पुस्तकाबद्दल मी गम्मतीत लिहीले होते, मजा करत होतो मी!

राजा,
ही कल्पना तु चान्गलीच मनावर घेतली असे दिसतेय! सर्वाना विचार ह आधी!
माझ्या चारोळ्या घ्यायला माझी काहीच हरकत नाही मित्रा! उलट मी तर अतिशय अतिशय खुश होईल!!

(या मानक्याच्या चारोळी शेजारी माझ्या चारोळी म्हणजे पुन्हा तेन्डुलकर शेजारी दिनेश कार्तीक!

)
जगु, मित्रा धन्यवाद!
रविश, ए भाय बिन्धास्त लिखनेका, मॉड्स क्या बोलेगा बिल्कुल सोचनेका नाय, बोले तो आपुन जैसा!

Rupali_rahul
Saturday, June 02, 2007 - 6:50 am:

>>>रडायचं नाही ठरवलं की
आपूसच भरून यायला लागतं
मनही मग लगेच सोयीस्कर
त्याचं कारण शोधायला लागतं ! <<< तोडलस बघ...

>>>मनातील भावना कधी कधी
डोळ्यातून बरसतात
तुझ मन त्यात चिंब व्हाव
ह्या अपेक्षेत असतात. <<<जगु मस्तच...

Rajya
Saturday, June 02, 2007 - 7:25 am:

कायमची दुर जाताना
तु, निरोप ही नाही घेतला
तोच एक सल, मग
शेवटची 'कळ' होऊन गेला

Ravisha
Saturday, June 02, 2007 - 2:44 pm:

क्षण जगून झालेले,जुन्या पानात जपावे
डोळ्यातील पाण्यानेच नवे पान उलटावे.......

Rajya
Monday, June 04, 2007 - 11:06 am:

तु कीतीही नाही म्हण
मी तुझ्याच साठी जगतो
अंधार कीतीही दाटला तरी
काजवा सदैव चमकत असतो

Mankya
Tuesday, June 05, 2007 - 2:00 am:

रूप .. भावना पोहोचल्या नाहीत ! काय म्हणालीस ?

रम्य धुंद निशा सरली तरी
गात्रातली धुंदी ना ओसरली
नभातून उन्हं कलंडली तरी
नयनी पहाट थोडी उरली !

माणिक !

Mankya
Tuesday, June 05, 2007 - 3:23 am:

तरल चंदेरी काळोख लेवून
दवात चिंब चिंब ती भिजली
अन पहाटेच्या उबदार कुशीत
अलगद समेटून रात्र निजली !

माणिक !

Sanghamitra
Tuesday, June 05, 2007 - 12:20 pm:

अरे पहिल्या पावसाची झुळूक नाही का टाकली अजून कुणी?

झाकोळ नभाच्या पार,
क्षितिजावर काजळभार.
मन कुंद होतसे हट्टी,
वार्‍याची बदले पट्टी.
झुळकेचा हो सोसाटा,
अन् सैरावैरा वाटा.
झाडांचे झडती मुजरे,
अन् सावध करती हुजरे.
मेघांची मिरवत माला,
सम्राट ऋतूंचा आला.

Meenu
Tuesday, June 05, 2007 - 4:20 pm:

वा !! सन्मे सहीच ..!!

Meenu
Tuesday, June 05, 2007 - 4:27 pm:

भरुन आलेले डोळे, पुसण्याच्या नादात,
मागे वळुन पहायचं राहीलं ..
तू म्हणला असशील ..
साधं मागे वळुनही नाही पाहीलं ..?

Meenu
Tuesday, June 05, 2007 - 4:34 pm:

नकोच म्हणलं वळायला,
नको पुन्हा गुंतायला ..
आणि हो ..!! बदललं असेल काही तर ?
नको उगा सलायला ..