|
वैभवा,खंत अप्रतिम..शब्दरचना सुरेखच.. एल्गारसुध्दा छान रे..
निनावी,किती हा खुळेपणा गं 
अमेय,काटे काट्यांप्रमाणे मनाला टोचुन गेली रे
|
वैभव.. छत्री. खंत एल्गार...एकदम सहीच
निनावि खुळेपना छान आहे भावला मनाला
अमेय काटे उत्तमच
|
निनाविचा खुळेपणा आणि अमेयचे काटे, दोन्ही कविता छान आहेत. त्यान्च्याशी विरोधाभास साधल्यासारखी वैभवची एल्गार आहे. सान्ज हळवी ज्योत, प्राणान्चा पान्चजन्य वगैरे छान चमकदार शब्दप्रयोग त्यामुळे लक्षात रहायाजोगी कविता झाली आहे.बापू
|
Bgovekar
| |
| | Saturday, December 24, 2005 - 2:52 am: | 
| 
|
मनीमाउ ' कुणाच्या इतक्याही' हि तुझी रचना आहे का? मला ही खुप पुर्वी मेलमधुन आली होती अन त्याचवेळी मनास इतकी भावली होती.. म्हटल कोण असेल या कवितेचा निर्माता? ही कविता तुझीच आहे तर खरच सुंदर काव्य!
|
प्रकृती आणि पुरूष ह्यान्ना आपण आदितत्वे मानतो. प्रकृतीने पुरुषाला विचारलेल्या प्रष्नान्ची ही कविता आहे...
प्रकृतिमान
लक्ष लक्ष आकाशगन्गा
स्त्रवणार्‍या बीजाण्डकोषी
झान्जरगूढ वेदनेची कळ
ती एइकलीस का?
थरथरणार्‍या आकान्तस्पर्शी
उमलत्या दवकळीच्या देठी
एवलेसे तर्पण अक्षयी
तू वाहिलेस का?
चैत्रान्कुरभाळी आर्तावल्या
सृजनगर्द आर्जवी सम्पुटी
अन्तरिक्षाचा खोल प्रतिध्वनि
तू भरलास का?
बापू.
|
Paragkan
| |
| | Saturday, December 24, 2005 - 6:07 am: |
|
|
वाह!
|
सर्वांच्या माहितीसाठी .... प्रियंकाने पोस्ट केलेल्या कविता सारंग ने लिहिलेल्या आहेत बहुधा मेल्स वर forward होत होत आल्या आहेत. सारंग .... दोन्ही कविता मस्त ... पुढच्या वेळी जरा झडझडून बोलाल तर बरं होइल
|
सॅन्ताक्लॉज .....
शेवटी गाठलाच त्याला मध्यरात्री
म्हटलं " बघू रे तुझी झोळी ...
तीच ती खेळणी अन तीच गोळी ?
हे रे काय ?
अरे हे तर आम्ही ढिगांनी आणून टाकतो .....
तुझं वेगळेपण ते काय ? "
म्हणाला " फ़क्त स्वकीयांसाठी करतोस ....
इतरांचं काय ?
अन ते ही कदाचित चाललं असतं ....
जर तू केलेलं असं ...
बोलून दाखवलं नसतं ...
अरे, निरपेक्ष वृत्तीने " सर्वांना " आनंद देणं -
- हा एकच महत्त्वाचा क्लॉज असतो .
तेवढा पाळला की ...
प्रत्येकजण ...
खरंच सॅन्ताक्लॉज असतो .... "
वैभव !!!
|
वैभवा,छान रे..
मेरी ख्रिसमस रे..
|
Kandapohe
| |
| | Sunday, December 25, 2005 - 8:40 pm: |
|
|
वैभव हल्ली मला निरपेक्ष पणे दाद पण देता येत नाही. कारण शब्दच कमी पडतात. पुढच्या वेळी सांताकडून शब्दांची गिफ़्ट मागीतली पाहीजे.
|
Sarang23
| |
| | Sunday, December 25, 2005 - 10:46 pm: |
|
|
दोन दिवसांत बरच पाणी वाहुन गेल आहे. प्रथम धन्यवाद मित्रांनो. वैभव आभारी आहे. पुढच्या वेळी नक्कीच झडझडुन बोलेल.
निनावी एकदम सही कविता...
वैभव, सांताक्लॉज एक नम्बर...
बापु, हे प्रश्न तुम्हाला पडले होते का हो? जबरी कविता आहे बापु.
|
Ninavi
| |
| | Monday, December 26, 2005 - 8:54 am: |
|
|
व्वा, वैभव!!!! too good !!!
|
वैभव,
सांताक्लौज ही एक वृत्ती आहे, हे दर्शवणारी कविता आवडली
तुषार जोशी, नागपूर
|
Pama
| |
| | Monday, December 26, 2005 - 10:09 am: |
|
|
२-३ दिवस इथे आली नाही तर बरच काही वाचायच राहून गेल.
सारंग छानच आहेत.
निनावी, सगळ्याच मस्त आहेत, खुळेपणा खूप आवडली.
वैभव, आता काय लिहिणार तुला!! सान्ताक्लॉज फारच सुरेख!
|
Dineshvs
| |
| | Monday, December 26, 2005 - 11:53 am: |
|
|
निनावि, मुद्दाम तुझे नाव बघुन ईथे आलो. खुप छान लिहिले आहेस.
यमकांची बंधने पाळुनहि ईतके सुंदर लिहिता येणे अवघड आहे.
|
Paragkan
| |
| | Monday, December 26, 2005 - 1:07 pm: |
|
|
वाह शेवट खासच रे वैभव!
TJ , तुम्ही का लेखणी ठेवलीत?
|
Ninavi
| |
| | Monday, December 26, 2005 - 1:51 pm: |
|
|
धन्यवाद, दोस्त्स!
दिनेशदा, का उगा गरीबाला लाजवताय!!!
|
गड कोणाचा?
मी दोर कापला आता
मज लढणे अथवा मरणे
मी लढतांना जर तगलो
मानाचे होईल जगणे
मी दोर कापला आता
ही अर्धी झाली जीत
गड असतो नेहमी त्याचा
जो मरणा नाही भीत
तुषार जोशी, नागपूर
|
Ninavi
| |
| | Monday, December 26, 2005 - 2:16 pm: |
|
|
अरे वा! तुषार, सहीच!!!!
|
तुषार,सही रे भिडु.. दोनच कडवी का पण?
|
Lampan
| |
| | Tuesday, December 27, 2005 - 12:18 am: |
|
|
tuYaar.. Ja@kasa ro ²²²
|
Kshipra
| |
| | Tuesday, December 27, 2005 - 12:26 am: |
|
|
vaibhav, shevaTachaa clause aavaDalaa
|
Urmila
| |
| | Tuesday, December 27, 2005 - 12:26 am: |
|
|
मन मोहून टाकी आज मना
मन मोहून टाकी आज मना
मेघ दाटले वारा सुटला
पाऊस धारा बरसू लागल्या
लहान पोरे नावा करीती
टाळ्या वाजवून हास्य फ़ुलविती
मन मोहून टाकी आज मना||१||
पानाफ़ूलावर थेम्ब दाटले
पाने हिरवी दिसू लागली
धरणीमाता न्हाऊन निघाली
मन मोहून टाकी आज मन||२||
अंगावरती गार वारे
शहारून उठले मनही माझे
मेघ दाटले काळोख पसरला
कडाडून वीज चमके
मन मोहून टाकी आज मना||३||
पक्षी सारे बसून होते
फ़डफ़ड करिती पंखही सारे
गोड गाणी गात फ़िरती
मन मोहून टकी आज मना ४||
suman
|
Milya
| |
| | Tuesday, December 27, 2005 - 2:14 am: |
|
|
वैभव तुषार छानच कविता...
|
धन्यवाद दोस्तांनो ...
तुषार ... मस्तच रे !!!
बापू ... प्रामाणिकपणे सांगतो प्रकृतीमान माझ्या प्रकृतीला झेपली नाही कधी भेटेन तेव्हा समजून घ्यायला आवडेल
|
झोपडे ....
कोणी ना आले फ़िरोनी भेटण्या
झोपडे तेथेच आहे थांबले
पांढरी वस्त्रे नि रेबॅन घालुनी
धूळ उडवीत खादीधारी चालले
हेच का जे पायी पायी येवुनी
दीन होवुन काल मजला भेटले
आणली होती जराशी भीक अन
ते भिकारयासारखे मज वाटले
जिंकता खुर्ची निघाले खर्च ही
ढीग नोटांचे जमाया लागले
बाटली अन बारबालां संगती
टेरी हलवित, नोट उडवित नाचले
माझिया पोरांस नाही भाकरी
हे तिथे मासे तळाया लागले
ढेकरा झाल्या हजारो देवुनी
पॉलिटिक्स आता सुचाया लागले
घाण ही ह्यांना दिसाया लागली
झोपडे त्यांना सलाया लागले
शहर हे टाकूच आता बदलूनी
स्वप्नी सिंगापूर येवु लागले
पलटले तितक्यात फ़ासे कुणीतरी
" सीट " ह्यांचे डळमळाया लागले
हादरे धडकीने पोकळ बंगली
झोपडे मग आठवाया लागले
आज ते आले फ़िरोनी भेटण्या
अन्न आणि वस्त्र थोडे आणले
आणली उष्टावलेली बाटली
झोपडे सपशेल आहे गंडले
वैभव !!!
|
Sarang23
| |
| | Tuesday, December 27, 2005 - 5:12 am: |
|
|
सुमन, अगदी खर सांगतो... कविता छान आहे. मधे थोडी गडबड होते पण एकुण खरच छान आहे. थोड्या फार शब्दांची फेरफार केलीस तर सुंदर लय येईल कवितेला. जमल्यास एखाद वृत्त ही. हा आग्रह नाही पण अस लयबद्ध लिहीण हिच खरी प्रतिभा आहे अस मी मानतो, नाहीतर मुक्तछंद न कळणारे कित्येक जण मला कित्येक कवि सम्मेलनात भेटले आणि स्वतःच ललीत चक्क कवितेच्या ठेक्यात म्हणुन गेले.
एकाने तर चक्क कहरच केला. माझ्याच प्रकाशित कथेतला उतारा कविता म्हणुन ऐकवला!
खरी दाद ही त्रुटी दाखवणारीही असावी... अस मी तरी मानतो.
प्रतिभा म्हणजे अखंड चिंतनाचा कलासक्त(कलानिष्ठ नाही!) आवाज. त्याला रियाज हा लागणारच!
कृपया गैर अर्थ लावु नये.
|
Sarang23
| |
| | Tuesday, December 27, 2005 - 5:17 am: |
|
|
वैभव, विषयाची निवड परत एकदा सुरेख. मांडणी बद्दल काही बोलत नाही. कविता जबरी आहे!
|
Pama
| |
| | Tuesday, December 27, 2005 - 4:22 pm: |
|
|
कविता..
घेऊन बसले होते आज
कवितेचे बीज ओले,
चार चुकार शब्द कुठूनशे,
तरंगत आले,
मी त्यांना कविता होण्याच्या
मोहात नाही पाडले.
तरंगत जाऊ दिले..
लाटालाटांवरून, पाण्यापाण्यावरुन, कणाकणावरून....
अथांग सागरात
पसरत जाऊ दिले, दूरवर
नजरेआड होईपर्यंत,
क्षितिजापार जाईपर्यत.
त्यांच्या आर्जवाला
मुळीच दाद दिली नाही,
त्यांची हाक सुद्धा,
माझ्या कानी आली नाही.
वरखाली होताना,
त्यांची शकले झाली,
किती पट किती कोटी..
मला मुळीच मोजायची नव्हती..
दिसेनासे झाले तेव्हा,
पाय मागे वळवले
कागद तसेच कोरे घेऊन,
उद्या पुन्हा येईन म्हणून,
सागराला निरोप देऊन,
पुन्हा चार शब्द जेव्हा
तावून सुलाखून घडतील,
आणि पुन्हा उद्याच्या कवितेसाठी,
प्राणपणाने लढतील.
|
Chinnu
| |
| | Tuesday, December 27, 2005 - 5:27 pm: |
|
|
लढवय्ये शब्द तुझे पमा, अशेच लढुन जिंकु देत. छान आहे कविता.
|
वैभव,झोपडे मस्तच रे..
पमा,एकदम लढवय्यी कविता आहे
|
वैभव पमा सारन्ग सर्वच कविता खुपच छान आहेत
सांताक्लोज कडुन खरचच नविन नविन शब्द च घ्यायला हवेत या कवितांना दाद द्यायला
नविन वर्षाकडे आताच बुकिन्ग करुन ठेवतो
दोस्तांनो keep it up ....
|
Pama
| |
| | Tuesday, December 27, 2005 - 10:51 pm: |
|
|
युगपुरूष..
तुम्ही असालही अर्जुन, दुर्योधन,
मला म्हणालही' पितामह',
पण अणकुचीदार शय्येवर,
मला टोचणारच शूल,
बोथट झाल्या कर्तव्यांना,
चढलीय आंधळी झूल.
सुखासीनतेत लोळणार्‍या मला,
तुम्ही म्हणताय' श्रद्धास्थान',
मी मात्र भरल्या पोटी,
मागतोय निष्ठेची भीक,
शकुनीच्या दर्शनासही,
लागतेय भाविकांची रीघ.
ध्येयामागे पळताना,
खेळतो मयसभेत मी द्यूत,
रोजच भरवतोय मी,
माझ्याच तत्वांचा उरूस,
आणि तुम्ही मात्र मला,
ठरवताय' युगपुरूष'.
|
Mmkarpe
| |
| | Wednesday, December 28, 2005 - 12:23 am: |
|
|
वैभव झोपडे खासच..
पमा... दोन्ही कविता आवडल्या
|
धन्यवाद दोस्तस ..... पमा " कविता " ही कविता एक छान कविता आहे
|
|
|