शेवयांचा उपमा

छान सोपी आहे कृती. झटपट होईल. थोड्याफार फरकाने अशीच करतो. कधीकधी rice noodles चा ही करतो शेविग्गे उपमा.

Edamame ची आयडिया भारी आहे, तेव्हढेच प्रोटीन. आता एकदा ते वापरून आणि मका दाणे वगळून करणार.

सायो, तुमच्या काही पाककृती आमच्या घरी हिट्ट आहेत, खासकरून मसालेभात. हे सांगायचे राहिले होते, इथेच सांगतो.

छान आहे रेसिपी.
मी उपम्या सारख्या त्यात गरम पाणी घालून शिजवते.
पण ह्या पद्धतीने त्या जास्त मोकळ्या होत असतील असं वाटतंय त्यामुळे आता ही पद्धत वापरून बघेन.

खूप दिवसांनी sayo ची पाकृ आली

प्र का आ टा

मस्त दिसतोय !

वीकेन्डमध्ये हा उपमा सायोच्याच हातचा खाण्याचा योग आला.
अत्यंत भारी चव, आणि रंग+टेक्स्चर्सची मेडली!
तिने त्यात घातलेल्या लाल सिमला मिरचीचा फार सुंदर स्वाद आला होता त्याला!

हा पुरावा:

मस्त रेसिपी. मी असा नाही पण करायचे हा उपमा. आता असा करून बघेन. पण शेवया घरच्या आहेत माझ्या. बॅंबिनो नाहीत.

घरच्या शेवयांचा फार सुंदर होतो हा उपमा

बाॅम्बिनोच्या शेवयांचा असा कधी केला नाही
शेवया फोडणीत परतून नॉर्मलच उपमा केलेला आहे
असं करून पाहिला पाहिजे
शेवया आधीच उकडून घेतल्यामुळे आणि वरून टाकल्यामुळे भाज्यांचा क्रंच कायम राहील

घरच्या शेवयांचा फार सुंदर होतो हा उपमा
गव्हाच्या कुरडयांचाही छान होतो

बाॅम्बिनोच्या शेवयांचा असा कधी केला नाही
शेवया फोडणीत परतून नॉर्मलच उपमा केलेला आहे
असं करून पाहिला पाहिजे
शेवया आधीच उकडून दिल्यामुळे घेतल्यामुळे आणि वरून टाकल्यामुळे भाज्यांचा क्रंच कायम राहील

बँबिनो किंवा एम टी आर च्या शेवयांचा उपमा बरेचदा होतो घरी, पण शेवया फोडणीत परतून मग आधणाचे पाणी घालतात. उडदाची डाळ भिजवून मग फोडणीत घालायची पद्धत पण नवीनच ऐकली. आता या पद्धतीने करुन पाहीन. ज्येनांना तिथी/ वार पाहून रात्रीच्या जेवणात भात वर्ज्य असतो बरेचदा. अशा जेवणाला ' आज टिफिन आहे' म्हणतात. पोळी / पराठे फारसे आवडत नाहीत. त्यामुळे हा उपमा टिफिन च्या रोटेशनला चालून जाईल असे वाटते.

दोन्ही फोटो भारी :तोंपासु:

फारच छान. मी साध्या घराच्या शेवयांचा फोडणीत घालून करते. आता उकडून करून बघेन

मस्त रेसिपी.
मी उपम्या सारख्या त्यात गरम पाणी घालून शिजवते.>>>>>
आमच्याकडे पण.
आता ह्या पद्धतीने करून पाहायला पाहिजे.
एदामामेचे दाणे टाकून पण वेगळं लागत असणार.

सुंदर.

छान दिसताहेत आणि लागत असतीलच.
शेवया वेगळ्या उकळुन करतो आम्ही (पण करून जमाना बीत गया) पण इतर बरेच घटक तुम्ही घातले, डाळ भिजवून, याने मस्त होतील.
आता या करणे आलेच.

(आले वरून मनातल्या मनात स्वतःच कोटी करून घेऊन, वाचकांचे श्रम वाचवले आहेत याची वाचकांनी नोंद घ्यावी.)

मिलेट्स नूडल्सचा उपमा सुद्धा चांगल्या लागतो.

भारी लागतो हा उपमा. सायोच्या हातचा खाल्लाय मी त्यामुळे हे सांगू शकते.

आऊटडोअर्स हा स्वाती आंबोळेचा ड्यु आय डी आहे का?

एका माणसाला साधारण १ मुठ शेवया पुरेशा होतात कारण भाज्याही आहेत >>>> एका माणसाला होत असतील बॉ, उपमा एवढा मस्त झाला होता, आम्ही बायामाणसांनी चांगला आडवा हात मारला त्यामुळे मुठी-बिठीचा हिशेब काही लागू झाला नाही.
- बाईंचा अजून एक डु आयडी

छान आहे रेसिपी आणि फोटो. मी ही शेवयाचे उपम्यासारखं करते. नूडल्स साधारण ह्या रेसिपीने करते.

आमच्याकडे अधनमधन हा उपमा होतोच नाश्ताला.
आजच केला होता .

मी नेहमी करते शेवया उपमा तो रव्या सारखा च करते. तुम्ही सांगितलेल्या प्रकारे शेवया आधीच उकडून दिल्यामुळे घेतल्यामुळे आणि वरून टाकल्यामुळे टेक्श्चर खूप छान राहिला.एक एक शेवई सुटी दिसत होती. सर्वाना खूप आवडला.धन्यवाद सायो.

मी उपम्या सारख्या त्यात गरम पाणी घालून शिजवते.
पण ह्या पद्धतीने त्या जास्त मोकळ्या होत असतील असं वाटतंय त्यामुळे आता ही पद्धत वापरून बघेन.
>>>>> मी पण ममोंच्या पद्धतीने करत होते. आता अशा प्रकारे करेन.
याचा एक छुपा फायदा म्हणजे यात उलीसं soy sauce आणि chilli sauce टाकून हा प्रकार मुलांच्या डब्यात हाका नूडल्स म्हणून सरकवता येईल (विकट हास्य करणारी बाहुली) फक्त कढीपत्ता, काजू लपवावे लागतील.

छान दिसतोय उपमा!
फोटो बघून मला माझ्या मामीची आठवण आली. ती असा बाँबिनो शेवयांचा उपमा करायची. तेव्हाच्या पौड रोडवरच्या कोथरुडातल्या लहानश्या वाण्याच्या दुकानात बाँबिनो शेवया मिळायची खात्री नसे त्यामुळे बरेचदा मी होस्टेलहून घरी जाताना डेक्कनवरुन या शेवया घेवून जात असे. घरी-दारी कायम रव्याचा उपमा होत असे, होस्टेलवर करुन खायला बहूतेकींच्या आया घरगुती उपमा मिक्सचे डबे देत त्यामुळे मामीच्या हातच्या बाँबीनो उपम्याचे जास्तच अप्रुप असे.