सावळा विठोबा, साजिरी रखुमाई

https://www.youtube.com/watch?v=Gk7PLm2I3To

नमस्कार,

मी दरवर्षी पालख्यांचं दर्शन घ्यायला एफ सी रोडवर जाते. माऊलींची पालखी, त्याच्या पुढे मागे चालणार्‍या दिंड्या, त्यातले भोळे भाबडे वारकरी, कोणी डोक्यावर तुळस घेतलेली असते तर विठ्ठल रखुमाई ची मुर्ती घेतलेली असते. हातात टाळ, मुखी विठुरायाचं नाव आणि एका लयीत पडणारी पावलं हे सगळं दृश्य पुढे अनेक दिवस डोळ्यांपुढे दिसत राहातं.
दरवर्षी पुण्यात येणारा पालखी सोहळा बघुन गेल्या वर्षी काही ओळी लिहिल्या

सावळा विठोबा, साजिरी रखुमाई
बाप आणि आई, आले घरा

देखणे ते रूप, पाहुनिया डोळा
प्रेमाचा उमाळा, दाटे मनी
सुंदर ते ध्यान, घेता डोईवर
उतरला भार, संसाराचा

तुझ्या दर्शनाने, गेला सर्व शीण
तुझ्या पायी लीन, वृत्ती माझी
मिटता लोचने, दिसे गोड रूप
तुझेच कौतुक, कानी माझ्या

आणि यावर्षी त्या रचनेचं गाणं झालं

आषाढी वारीच्या निमित्ताने आम्ही काही मित्रमंडळींनी मिळुन "सावळा विठोबा" नावाचा एक अभंग रेकॉर्ड केला आणि ९ जुलै रोजी पुण्यात दाखल झालेल्या पालखीच्या स्वागताच्या निमित्ताने आम्ही हा अभंग रीलीज केला.
मायबोली परिवारासाठी अभंगाची लिंक खाली देते आहे.
नक्की बघा आणि प्रतिक्रीया कळवा.

https://www.youtube.com/watch?v=Gk7PLm2I3To

गीत: स्मिता श्रीपाद
संगीत: ओंकार साठे
गायक: सायली जोशी, ओंकार साठे
कोरस: प्रांजल अक्कलकोटकर, प्रज्ञा प्रभुदेसाई, सुचेता परांजपे, स्मिता श्रीपाद
संगीत संयोजन: ओंकार साठे, प्रांजल अक्कलकोटकर
वाद्यवृंद:
तबला आणि संवादिनी: ओंकार साठे
कि-बोर्ड: प्रांजल अक्कलकोटकर
पखवाज: दिग्विजय देशमुख
टाळ: सुचेता परांजपे
रेकॉर्डिंग आणि मिक्सिंग: अवधूत रहाळकर
(Euphony Recording Studio, पुणे)
व्हिडीओ संकलन: शैक्षणिक साधन केंद्र, ज्ञान प्रबोधिनी

राम कृष्ण हरी