पाककृती स्पर्धा २: चूल न पेटवता केलेला पोटभरीचा पदार्थ

झोमॅटो, स्विगी बद्दल पण अट टाका

गॅस चालणार नाही म्हणून इंडक्शन वापरू नका लोकहो.

हपा ते लिहिले आहे वर.. मी आधी तेच चेक केले.. भले आजवर आयुष्यात कधीही एकाही पाककृती स्पर्धेत भाग घेतला नाही पण नियम सारे वाचतो

>>>> कोणतीही उष्णता न वापरता, म्हणजेच चूल, गॅस, इंडक्शन, ओव्हन, मायक्रोवेव्ह, एअर फ्रायर इ. न वापरता! म्हणजेच शिजवणे, उकडणे, परतणे, तळणे, वाफविणे, भाजणे, उकळणे इ. काहीही करायचे नाही नाही;>>>>

लेकीला जेव्हा एकट्याने गॅस वापरायची परवानगी नव्हती तेव्हा रात्रीचे आम्ही झोपलेले असताना आणि ती जागी असताना पोट भरायला काय उपद्व्याप करायची ते तिला विचारायला हवे. त्यात एखादा पदार्थ सापडला तर मलाही भाग घेता येईल

आधीच मायबिलीवर असलेली कृती चालणार नाहि तेही लिहा.
नाहितर टोपाएवजी पातेलं आणि कापणं एवजी चिरून केलं म्हणत माझी रेसीपी कशी वेगळी म्हणून अशी रेसीप टाकतील.

तुनळीवरच्या उचललेल्या रेसीपी चालतील का?

अशा टाईपची एक स्पर्धा आधी झालेली आहे त्यामुळे त्यातले पदार्थ रिपिट होत नाहीत ना हे ही बघा लोकं हो

बरोबर रिया. मलाही तेच आठवत होते.

चांगली स्पर्धा. आमच्यासारख्या आळशांना गॅस न पेटवताच पोटभरीचे काहीतरी मिळेल

तुनळीवरच्या उचललेल्या रेसीपी चालतील का?+1
ऊत्तराच्या प्रतिक्षेत.

रेडीमेड पदार्थ आणून वापरले तर चालतील का? जसे शेव, पाणीपुरीच्या पुऱ्या, ब्रेड इ इ?

>>>>>>>>>रेडीमेड पदार्थ आणून वापरले तर चालतील का? जसे शेव, पाणीपुरीच्या पुऱ्या, ब्रेड इ इ?
होय दिलय ना - >>>>>दुकानातून मिळणारे पनीर वगैरे पदार्थ घटक म्हणून वापरू शकता.# पण तुमचा पदार्थ करताना चूल वगैरे पेटवायची नाही.

बाहेरचे सुद्धा पदार्थ चालणार नाही असे असेल तर मज्जा येइल.
पाणीपुरी चालेले म्हटल्यावर ढिगभर आहेत की तुनळी वर पदार्थ. काहीच कठिण नाही.

नाही..मला तर हा संयोजकांनी ठरविलेला नियम ठीक वाटतो.
बाहेरचेही नाही चालणार असे म्हटले तर मग रॉ सॅलड्स किंवा फ्रुट डिश आणि स्मूदीज शिवाय काही पर्यायच उरणार नाही!

बाहेरचे आधीच शिजवलेले -उदारहारणार्थ पाणीपुरी, नान वगैरे.
पोहे वगैरे ठिक आहेत जे साठवणीचे पदार्थ आहेत.

संयोजकः स्पर्धा आधीच ठरवलेली आहेच पण विस्मरणात गेलेले पदार्थ असा आम्ही आमच्या इकडे गणेशोत्सवात ठेवलेली स्पर्धा होती गेल्या वर्षी.
फक्त महाराष्ट्रीयनच आणि सणाच्या वेळी केले जाणारे.
आता बदलत्या काळात आपण खातोच सरमिसळ पदार्थ पण सणासुदीला महाराष्ट्रीयन पदार्थांना व आठवणींना उजाळा मिळण्यासाठी आम्ही ठेवली होती. खुपच छान प्रतिसाद होता.
भिरडी ( गोड) वगैरे कोणालाच आठवात नसतील हे पदार्थ आणि केलेही जात नाहीत.

जसे शेव, पाणीपुरीच्या पुऱ्या >> हो चालतील. पण ब्रेड, पोळ्या, पराठे, भात असे पूर्ण तयार पदार्थ रेडिमेड वापरलेले चालणार नाहीत. >>>>

पाणीपुरीच्या पुर्‍या चालतील तर ब्रेड का नाही ? पुर्‍या पीठ मळुन लाटुन तळुन केलेल्या असतात तसं ब्रेड पण बेक केलेला असतो
पोळ्या पराठे भात बद्दल नियम मान्य
पण ब्रेड अलाउड केला तर पर्याय वाढतील माय लॉर्ड

वा! वा ! मायबोली गणेशोत्सवाचा माहोल छान जमतोय.
जिथे चूल पेटवायची नाही तिथे जिन्नसांवरून गरमागरम चर्चा!

छान कल्पक उपक्रम आहेत

पाणीपुरीच्या पुर्‍या चालतील तर ब्रेड का नाही ?
आणि बिस्किटे चालतील का हा दुसरा प्रश्न..

ओ संयोजक! तुमच्या चित्रात तर ब्रेड दिसतोय!
अरे नाही! तो पनीरची लादी आहे ! ब्रेड तरी चालवून घ्या हो.
ही पण स्पर्धा आवडली. तीनही स्पर्धा एकदम हटके आहेत.

पापु पुऱ्या चालतील मग शेव पुरीच्या पुऱ्या पण चालतील. आणि मग टॉर्टिया चिप्स पण चालतील ना? मग आपल्या बटाट्याच्या व्हेफर्स नी काय घोडं मारलंय!

दुकानात चकल्या, चिवडा, खाकरे , फरसाण , बाकरवड्या पण मिळतात.

अध्यारुतच आहे पण तरी "पदार्थ शाकाहारी असावा" हे पण अ‍ॅड करा..हा नियम दरवर्शी असतो.

>>पण ब्रेड, पोळ्या, पराठे, भात असे पूर्ण तयार पदार्थ रेडिमेड वापरलेले चालणार नाहीत.>>
>>तुमच्या चित्रात तर ब्रेड दिसतोय!
अरे नाही! तो पनीरची लादी आहे>>

परदेशांत नाश्ता म्हणून फळे, चीजचा तुकडा आणि संत्री रस घेतात. पण एवढाले मोठे पनीरचे तुकडे घेत नसतील.
...................
मी कधीकधी भटकंतीमध्ये लाह्या पीठ, खजूर आणि दुधाची पावडर नेत असे. योग्य प्रमाणात ते घेऊन पाणी घालून मिसळले की चांगला पोटभर भूक भागवणारा पदार्थ तयार होई. आता मी काही यांचा शोध लावला नाही. फार पूर्वीपासून कर्नाटक आणि महाराष्ट्रातील सांगली कोल्हापूर भागात लाह्या पीठ , तूप {भरपूर हां}आणि गूळ घालून खात असत. यावर एक गाणंही आहे. सासूपासून लपवून लहान सुना लाह्याचे पीठ खायला माळ्यावर, गोठ्यात आणि परसात लपून बसतात आणि सासूलाही गुपचूप पीठ खायचे असते. सगळेच एकमेकाला पकडतात ही गोष्ट ज्ञानकोशात आहे गाण्यासह.
उत्तर प्रदेशात सत्तूचे पीठ बांधून प्रवासात नेतात आणि खातात. बंगाली लोक भाजके पोहे नेतात. हेच जरा अमेरिकन म्हणजे सिरिअल फ्लेक्स आणि दूध. दडपे पोहे आहेतच आपले. गोपाळकाल्याचे दही पोहे.
हे सर्व वगळून काय पदार्थ येतात पाहू.

'पकवायचं' नसेल तर यांना 'पाक'कृती कसं म्हणणार? नापाककृती म्हणायला हवं ना?

>>> अध्यारुतच आहे पण तरी "पदार्थ शाकाहारी असावा" हे पण अ‍ॅड करा
का अध्याहृत आहे? चूल पेटवायची नाही म्हणून असेल तर ठीक, नाहीतर ‘सणाला शाकाहारच’ हा विचार गतानुगतिकपणे बिंबवत राहायची आवश्यकता वाटत नाही.

उष्णता न देता मांसाहार थोडे अवघडच आहे तसे.

मला वाटते गेल्या कुठल्या तरी वर्षीच शाकाहारच असावा अशी अट काढण्यात आलेली.. कदाचित चुकत सुद्धा असेल.