दिले नाही

Submitted by श्रीराम_देशपांडे on 24 April, 2024 - 01:25

स्पर्धकांनी बसू दिले नाही
निंदकांनी हसू दिले नाही

मज कधीही सुखी समाधानी
जीवनाने असू दिले नाही

या समाजात गाव संतांचे
माणसाने वसू दिले नाही

माणसाच्या मनात देवाला
धार्मिकांनी घुसू दिले नाही

भावनांनी मला तुझ्यावरती
एकदाही रुसू दिले नाही

दुखणे जखमेचे खूप होते पण
मी कधी ठसठसू दिले नाही

विषय: 
हितगुज ग्रूप
शब्दखुणा: 
गझल
Groups audience: 
गुलमोहर - गझल
Group content visibility: 
Public - accessible to all site users
शेअर करा

दत्तात्रय दादा, दुखणे जखमेचे ... ही एक ओळ सोडली तर बाकी गा ल गा गा ल गा ल गा गा गा अश्या लगावलीत फिट्ट बसते आहे.

Submitted by हरचंद पालव on 24 April, 2024 - 03:48
नवीन प्रतिसाद लिहा