कार्ल्याची रस्साभाजी

कारल्याची रस्साभाजी
(( कार्ले आवडणाऱ्यांसाठी आहे.))
फोटो

साहित्य
एक कपभर कार्ल्याचे काप. (उभे आडवे चिरून)
दोन कपभर कच्चे/हिरवे ( आंबट)टोमॅटो काप.

मसाला
एक मोठा चमचा लसुण चटणी,
एक मोठा चमचा किसलेले सुके खोबरे भाजून,वाटून.
एक मोठा चमचा तेल.
हळद,मोहरी,मीठ,साखर/गुळ.

कृती
१) तेल गरम करून फोडणी करून त्यात लसुण चटणी थोडी परता.
२) कार्ल्याचे काप टाकून थोडे मऊ झाल्यावर टोमॅटो काप टाकून परता.
३)पाणी घालून शिजवा. सुके खोबरे कीस टाकल्याने रसाला थोडा दाटपणा येईल.
४) चवीला मीठ. साखर/गुळ किंचीत टाका.

तिखट,आंबट,किंचित कडू अशी रस्साभाजी पुरी/पोळी बरोबर पावसाळ्यात चविष्ट लागेल.
आंबट टोमॅटो आणि लसुण चटणी कार्ल्याचा कडूपणा घालवते.