मायबोली गणेशोत्सव २०१६ - बाप्पाचा नैवेद्य

Submitted by संयोजक on 3 September, 2016 - 15:51

मोदक, निवगर्‍या आणि वर तुपाची धार, गूळखोबरं, खिरापत, पंचामृत, लाडू - पेढे, वडया, केळीच्या पानावर वाढलेली गरमागरम वरणभाताची मूद, रंगीबेरंगी चटण्या-कोशिंबिरी, ऋषींची भाजी, गौरींचा नैवेद्य, बाप्पाची शिदोरी आणि निरोप देऊन आल्यावर चटकदार वाटली-डाळ! गणपतीबाप्पा जसा कलांचा आणि विद्यांचा अधिपती, तसा चांगलाच खवैय्यासुद्धा आहे बरं! मनोभावे पूजा करून त्याला प्रसन्न करण्यासाठी यंदा तुम्ही कायकाय नैवेद्य अर्पण केले, पाहुण्यांना वाटायची खिरापत काय तयार केली याची चित्रमय झलक बघायला मायबोलीकर उत्सुक आहेत.

IMG-20160903-WA0006.jpg

नैवेद्याची प्रकाशचित्रं, माहिती आणि आठवणी इथेच प्रतिसादात लिहा. त्यासाठी आपल्याला 'मायबोली गणेशोत्सव २०१६' या ग्रुपाचं सभासद होणं गरजेचं आहे. पाककृती द्यायची असल्यास मात्र पाककृतींच्या धाग्यावरच लिहा.

विषय: 
उपक्रम
मायबोली
शब्दखुणा: 
मायबोली गणेशोत्सव २०१६
Groups audience: 
मायबोली गणेशोत्सव २०१६
Group content visibility: 
Public - accessible to all site users
शेअर करा

***

Submitted by _प्राची_ on 7 September, 2016 - 01:36

IMG_20160905_150141.jpg

या वर्षी घरात सगळेच पेशंट, आणि हॉस्पिटलायझेशन मागे लागलंय. त्यामुळे माझ्या हातून जेमतेम ११ मोदक घडले. तेही बाप्पाजवळ ठेवायच्या आधी फोटो घेतला म्हणून दिसतायत, नाहीतर बाप्पा आणि नैवेद्य असा एकत्र एकही फोटो नाही. असो.

अवांतरः आमच्याकदे मोदक-करंजीबरोबर सिद्धलाडू करायची पद्धत आहे. सिद्धलाडू म्हणजे गणपतीची सिद्धासन मांडी मानली जाते, अर्थातच शुभप्रतीक म्हणून तो नैवेद्य करताना आवश्यक असतो. सासरी ही पद्धत माहिती नव्हती, पुण्यात सगळीकडे असते का नाही माहिती नाही म्हणून लिहिलं.

Submitted by प्रज्ञा९ on 12 September, 2016 - 09:21

सगळ्यांचे प्रसाद सुंदर!
धन्यवाद! मधला कसा केला ते वेळ झाला की दाखवेन. फोटो काढेन.

~साक्षी

Submitted by साक्षी on 13 September, 2016 - 12:26

सायु, एक मुरुडीची करंजी आहे आणि ते नुसत्या उकडीचे आहे त्याला आम्ही गाठोडे म्हणतो.
माहेरी नैवेद्याला मोदकासोबत गव्हाची खीर पण असते, त्यासोबत ही गाठोडी खायची

Submitted by शब्दाली on 14 September, 2016 - 06:32

Pages