Thread	Posts	Last Post
	Archive through July 04, 2006	20	07-04-06  7:59 am

Lampan Wednesday, July 05, 2006 - 12:39 am:      लोकांना फार वेळ वाट पहायला लावल्यामुळे हा thread बंद करण्यात येत आहे ......

Shraddhak Wednesday, July 05, 2006 - 7:23 am:      " सन.. ही घे कॉफी. " अन्याने माझ्या हातात एक मग देत पुन्हा दिवाणावर बसकण मारली. अन्याचा मूड कसाही असो, कॉफी नेहमीच अप्रतिम असते. अन्याचं लक्ष माझ्या हातातल्या मासिकावर गेलं. " काही विशेष लेख वगैरे? " " अं हं... नेहमीचेच टॉपिक्स! आवर्जून वाचावा असा कुठला लेख नाही. तुझा मूड नॉर्मलला आला का पण? " " घ्या... माझ्या मूडला काय झालं होतं? " " अन्या नाटकं करू नकोस. मघापासून आपण ज्या विषयावर discuss करतोय त्याने तुझा मूड गेलाय. खरं की नाही? " अन्याने पहिल्यांदाच इतक्या कमी वेळात पराभव मान्य केला. " खरंय सन... माझा मूड खरोखरच गेलाय. " " पण हा तर न टाळता येणारा विषय आहे नं अन्या? मग तू दरवेळी का मूड घालवतोस यावरनं? " " मलाही नक्की नाही सांगता येत. मे बी, ज्या पद्धतीने माझ्या बाबतीत हा विषय हाताळला जातोय, ती माझ्या पचनी पडत नाहीये. " " बापरे, तुझ्यासारख्या उत्तम पचनशक्ती असलेल्या माणसाच्या देखील ' पचनी ' न पडणारी गोष्ट म्हणजे भलतीच हेवी असणार. " " सन, अगदी टुकार PJ मारू नकोस. " बापरे! दिवसातनं दुसर्‍यांदा अन्या गंभीर मूडमध्ये चालला होता. ही लक्षणं खरोखर चिंताजनक होती. " बरं अन्या, चुकलं. थांबवूयात इथे हा विषय आपण! पण एक सांगते, आपण आपल्या ग्रुपमध्ये जरी यावर विचार करायचा नाही असं ठरवलं तरी अविनाशकाका तो विषय काढायचं थांबवणार नाहीतच! " " तेच तर.. त्यांना किती वेळा सांगितलंय की मी माझं पाहीन काय ते! पण ते ऐकायलाच तयार नाहीत. सन, तू सांगशील का त्यांना समजावून प्लीज? तुझं ते बर्‍यापैकी ऐकतात. " बापरे! अविनाशकाकांशी बोलायचं तेही अन्याच्या लग्नासारख्या त्यांच्या अतिजिव्हाळ्याच्या विषयावर????? तसे ते फार छान आहेत स्वभावाने, अन्या म्हणाला त्यातही बरंच तथ्य आहे.. अन्यापेक्षादेखील ते माझं कधीकधी जास्त ऐकतात. पण म्हणून या विषयावर त्यांच्याशी बोलायचं धैर्य मला होईल असं वाटेना. इकडे अन्या अपेक्षेने माझ्याकडे बघत होता. " अन्या, मला एकच सांग, त्यांना तुझी बाजू पटवून देण्यासाठी कारण काय सांगू? " अन्या विचारात पडला. आधीच त्याला भरल्या पोटी विचार करता येत नाही. त्यातून दोन प्लेट गाजर का हलवा पोटात असल्यावर अन्याला काहीही व्यवस्थित सुचणं अशक्य! आताही त्याचं लगेचच प्रत्यंतर आलं. " तू त्यांना सांग, की मुलांसाठी २५ हे लग्नाचं योग्य वय नाही म्हणून! " ते ऐकून मी परत हसायला लागले आणि अन्या चिडलाच... " तुला हसू येणारच सन.. तुझ्या मागे कोणी असा धोशा लावला नाहीय ना अजून! तेव्हा तुला हसू येणारच! " अन्याचा तो तीव्र स्वर ऐकून मी एकदम चपापले. " अन्या, माझ्या मागे कुणी धोशा लावला नाहीय लग्नाचा हे खरंय. खरंतर धोशा लावायला देखील कुणी नाहीय ही वस्तुस्थिती आहे. डॅड त्यांच्या कामात गुंग असतात. त्यांचं बाकी गोष्टींशी फारसं घेणंदेणं नाही. मॉम असती तर एव्हाना तिने माझ्या लग्नाची चिंता सुरु केली असती, पण तीच नाही म्हटल्यावर... " मी एकाएकी गप्प झाले. ' मॉम नाही ' या विषयावर बोलताना मला कधीकधी अवघड जातं अजूनही. ती गेली तेव्हा मी सहावीत होते. त्यानंतर बराच काळ कुठलीही गोष्ट नीट झाली नाही की ' मॉम असती तर.. '( सगळं व्यवस्थित झालं असतं), या विचाराच्या आधाराने मी घालवला. नंतर माझी मीच प्रत्येक गोष्ट सांभाळायला शिकले. मॉम नसल्याची जाणीव हळूहळू कमी व्हायला लागली. मग आज या विषयासंदर्भात बोलताना तिची उणीव प्रकर्षानं का बरं जाणवावी? गप्प झालेल्या माझ्याकडे बघून अन्या बराच निवळला होता. "I am sorry San... माझ्या बोलण्यानं दुखावली गेलीस तू. " " जाऊ दे रे अन्या.. होतं असं कधी कधी. आणि तसंही माझाच वेडेपणा झाला तो. मॉमला जाऊन इतकी वर्षं झालीत... त्यामुळे मॉम असती तर.. च्या विचारांना अर्थच राहिला नाहीय... " पण अन्याचं लक्ष माझ्या बोलण्याकडे कमी आणि खिडकीबाहेर जास्त असावं बहुधा! एकदम तो किंचाळलाच. " सन, आभाळ कसलं भरून आलंय बघ. " खरंच की! बाहेर आभाळ गच्च भरून आलं होतं... क्रमशः

Bee Thursday, July 06, 2006 - 5:33 am:      chhan khup chhan flow aahe kathecha. matra khup ushir kelas pudhala bhag lihayala.

Manutai Friday, July 07, 2006 - 8:31 am:      Shraddhak, Katha changli ahe ani oghwatihi. Pan gap khup padla ki link tutte. Please complete as early as possible. Pushkal vachak utsuktene vaat baghat ahet.

Ninavi Saturday, July 08, 2006 - 9:00 am:      श्र, मस्त लिहीत्येस गं, पण पुढे लिही की पटापट. आणि मला पण ह्या दोघांचंच जुळायची लक्षणं दिसतायत.

Rachana_barve Tuesday, July 11, 2006 - 8:13 pm:      श्र का थांबलीस? लिही की पुढे छान लिहिते आहेस

Fulpakhru Tuesday, July 11, 2006 - 8:27 pm:      श्र लवकर येऊदे ग पुढचे छान लिहिते आहेस

Parinita Wednesday, July 12, 2006 - 8:03 am:      ए किति मस्ते गोष्ट. मला अंदाज की अन्या तिलाच प्रोपोज करनार. हो ना ?

Fulpakhru Wednesday, July 12, 2006 - 4:07 pm:      हो मलाही तसच वाटतय श्र लवकर टाक न ग पुढचा भाग

Shraddhak Thursday, July 13, 2006 - 3:11 am:      मॉड्स, कृपया हा BB लॉक करता येईल का? कारण सध्यातरी मला ह्या कथेचा पुढचा भाग टाकणं जमत नाहीये. धन्यवाद. सॉरी लोक्स.