Thread	Posts	Last Post
	Archive through October 12, 2004	35	10-12-04  7:05 am
	Archive through August 06, 2005	36	08-06-05  2:04 pm

Nitu_teen Saturday, January 14, 2006 - 11:19 am:      इंदिरा संतांचि निरोप' हि कविता फ़ारच सुंदर आहे. कुणी पोस्ट करेल का?

Iravati Monday, February 06, 2006 - 12:46 pm:

Iravati Monday, February 06, 2006 - 12:49 pm:

Iravati Monday, February 06, 2006 - 12:51 pm:

Dha Friday, March 31, 2006 - 1:20 pm:      मला आवडलेली इन्दिरा संतांची एक कविता निवडुंगाच्या शीर्ण फ़ुलांचे झुबे लालसर ल्यावे कानी, जरा शिरावे पदर खोवुनी करवन्दीच्या जाळिमधुनी. शीळ खोल ये तळरानातून भण भण वारा चढणीवरचा, गालापाशी झिळमिळ लाडिक, स्वाद जिभेवर आंबट कच्चा. नव्हती जाणिव आणि कुणाची, नव्हते स्वप्नही कुणी असावे, डोंगर चढणीवरी एकटे किती फ़िरावे,उभे रहावे. पुन्हा कधी न का मिळायचे ते, ते माझेपण, आपले आपण, झुरते तनमन त्याच्यासाठि उरते पदरी तिच आठवण, निवडुंगाच्या शीर्ण फ़ुलांची, टपोर हिरव्या करवंदाची...

Poojas Saturday, May 20, 2006 - 5:52 pm:      '' तवंग... '' शेतावरती इथे नाचणी कशी बिलगते पायाभवती; थरथरणारी नाजुक पाती इतुके कसले गूज सांगती इवली इवली ही कारंजी, उडती ज्यांतुन हिरव्या धारा; हिरवे शिंपण अंगावरती, रंग उजळतो त्यांतुन न्यारा त्या रंगाची हिरवी भाषा, अजाण मी मज मुळि न कळे तर; तरंगतो परि मनोमनावर त्या रंगाचा तवंग सुंदर....!! '' मेंदी ''

Iravati Sunday, November 26, 2006 - 2:39 pm:      कुणाकडे इंदीराबाईंची ' माझ्या मनीचे खुळे पाखरू, मणीबंधावर तुझ्या उतरले.... तू तर असा दुष्ट्-नष्टसा, घुंगूर त्याच्या पदी बांधले....' ही कविता आहे का?

Swapnil_deshi Sunday, January 21, 2007 - 12:57 am:      रक्तामध्ये ओढ मातीची मनास मातीचे ताजेपण मातीतून मी आले वरती मातीचे मम अधुरे जीवन कोसळताना वर्षा अविरत स्नानसमाधी मध्ये डुबावे दवांत भिजल्या प्राजक्तापरि ओल्या शरदामधी निथळावे हेमंताचा ओढुन शेला हळूच ओले अंग टिपावे वसंतातले फुलाफुलांचे छापिल उंची पातळ ल्यावे ग्रीष्माची नाजूक टोपली उदवावा कचभार तिच्यावर गर्द वीजेचा मत्त केवडा तिरकस माळावा वेणीवर आणिक तुझिया लाख स्मृतींचे खेळवीत पदरात काजवे उभे राहुनी असे अधांतरी तुजला ध्यावे, तुजला ध्यावे

Shankasoor Tuesday, March 27, 2007 - 8:35 am:      रंगरंगुल्या सानसानुल्या गवतफुला रे गवतफुला .... ही कविता कोणी पूर्ण येत असेल तर इथे पोस्ट कराल का

Subhash_1 Wednesday, March 05, 2008 - 9:14 am:      ..asaa kasaa re mala lagla sang tuza re tuza lala Mitrasange malavarti patang udavit phirtana tula pahile gavta varti dulta dulta zultana visrun gelo patang nabhicha visruni gelo mitrala...pahun tuzya re rang chata.... mala itkech athvtey

Sahitya_rasik Friday, July 04, 2008 - 6:27 am:      कढ कुणी निन्दावे त्यालाही करावा मी नमस्कार कुणी धरावा दुरावा त्याचा करावा सत्कार काही वागावे कुणीही मीच वागावे जपून साम्भाळण्यासाठी मने माझे गिळावे मीपण कित्येकान्ना दिला आहे माझ्या ताटातील घास, कितिकान्च्या डोळ्यातील पाणि माझ्या पदरास! आज माझ्या आसवांना एक साक्षि ते आभाळ मनातील कढासाठी एक अन्धार प्रेमळ इन्दिरा संत

Sahitya_rasik Friday, July 04, 2008 - 6:30 am:      शर्वरी जोशी यांनी वरील कविता आधिच टाकलेली आहे मी फक्त देवनागरी मधे लिहिली आहे...

Sahitya_rasik Friday, July 04, 2008 - 6:43 am:      असे तसे असे असावे वाटते तसे नसावे वाटते अशा तशा वाटण्याने मन सारखे कोंडते अशा वाटण्याने झाले जग मजला पारखे अशा वाटण्याने झाले दुख माझे मुके मुके किति उशिरा हि ठेच किति उशिर हे ज्ञान आता आजपासुनिया माझे आभाळाचे मन

Sahitya_rasik Friday, July 04, 2008 - 7:37 am:      जाम्भळ्या आकाशाला जा.म्भळ्या आकाशाला तुझ्या मोहुन निळ्या ज्वाला केव्हाहुन मांड्लेला आहे जोहार सोहळा केस ओले पाठीवरी काळ्या रात्रिचे मोकळे चंद्रकोरीचे केशर भांगामधे रेखलेले स्पर्श हिरव्या चुड्याचा नाद मावेना तालात उतावळीची पैंजणे चंद भारली पायात किति उशीर लावाया एक कुंकवाचे बोट.