|
Dineshvs
| |
| | Sunday, May 28, 2006 - 5:23 pm: | 
| 
|
बेबी कॉर्न हि माझी आवडती भाजी. आता भारतातहि ताजे बेबी कॉर्न मिळतात. त्याचा हा एक प्रकार. चार जणांसाठी पुरेसा होईल.
पंधरा वीस बेबी कॉर्न, एक मोठा कांदा, एक मोठे केशरी गाजर, एक सिमला मिरची, हे सगळे बारिक ऊभे कापुन घ्यावे. कोबी देखील असाच कापुन, एक कपभर होईल ईतका घ्यावा. पंधरावीस लसुण पाकळ्या सोलुन ऊभट कापुन घ्याव्यात. चार पाच हिरव्या मिरच्या व एक ईंच आले पण असेच कापुन घ्यावे.
तेल व थोडे तुप एकत्र तापवुन त्यात कांदा परतावा व तो मऊ पडल्यावर गाजर परतावे. त्यात अर्धा लसुण घालावा. किंचीत मीठ व थोडीशी साखर घालुन परतुन बाहेर काढावे.
त्याच पॅनमधे हिरव्या मिरच्या घालुन, आधी सिमला मिरची व मग त्यातच कोबी घालावा. मीठ घालुन तेहि बाजुला काढावे.
मग परत थोडेसे तेल तापवुन त्यात बेबी कॉर्न घालावा. आले व लसुण घालुन जरा परतावे. वरुन चमचाभर सोया सॉस व अर्धा चमचा लाल तिखट घालावे. जरा परतुन चमचाभर तांदाळाचे पीठ ( कॉर्नफ़्लोअर वा कणीकहि चालेल ) घालुन परतावे. ते कोरडे झाले कि त्यात गाजर व कोबीचे मिश्रण घालुन हलक्या हाताने एकत्र करुन ऊतरावे. टोस्ट बरोबर खावे.
( मी जी पुस्तके वाचतो त्यात नेहमी शेवटची ओळ टेबलावर न्यावे वा सर्व्ह करावे अशी असते. मी मात्र खावे असेच लिहितो नेहमी, एवढी मेहनत करुन स्वत : खायचे नाही का ?)
या सर्व भाज्या क्रिस्प राहतील ईतक्याच परतायच्या. यात ईतर भाज्याहि घालता येतील. ऊदा. फ़्लॉवर वैगरे. फ़रसबी कवळी असली तरच अशी शिजेल. मश्रुम ब्रोकोली पण घालता येईल. पनीरचे तुकडेहि चालतील.
या भाजीचा फोटो माझ्या रंगीबेरंगी बीबी वर टाकतोय.
सजावटीसाठी मी चिप्स आणि चेरीज वापरल्या. पण ते आवश्यक आहे असे नाही. सजावटीने पदार्थ खाण्याची ईच्छा होते हे मात्रं खरे.
|
Arch
| |
| | Sunday, May 28, 2006 - 6:16 pm: |
|
|
मस्त वाटते आहे recipe आणि जास्त कष्टपण वाटत नाहीत. सजावटीने चव नाही पण रूप नक्किच बदलत पदार्थाच. आणि अगदी खर आहे खायची इच्छा होते नक्किच.
|
Rajasee
| |
| | Tuesday, May 30, 2006 - 7:37 am: |
|
|
jar soya sauce vaparaycha nasel tar tya aivaji kaay ghalave?
|
Dineshvs
| |
| | Tuesday, May 30, 2006 - 1:30 pm: |
|
|
सोया सॉस नसेल तर नुसते मीठ. किंवा टोमेटो केचप पण वापरता येईल.
|
वा, मस्त आहे रेसिपी! आणि फ़ोटो पण
पण ही भाजी टोस्ट बरोबर? combo जरा वेगळेच वाटले! simple/fried rice जास्त बरा वाटेल का याच्याबरोबर?
|
Dineshvs
| |
| | Tuesday, May 30, 2006 - 5:07 pm: |
|
|
मैत्रेयी, जस्ट ट्राय धिस. खुप छान लागते हि भाजी ब्रेकफ़ास्टला.
नेहमीच्या चायनीजपेक्षा खुपच वेगळी चव येते याला.
भाताबरोबर खाता येईलहि पण या भाजीला ग्रेव्ही वैगरे नाही.
|
Leenas
| |
| | Friday, July 20, 2007 - 6:09 am: |
|
|
बेबी कॉर्न ची ग्रेव्ही असलेली रेसिपी द्या ना कोणितरी...
|
Simm
| |
| | Saturday, September 22, 2007 - 12:07 am: |
|
|
Does anyone know where I can find fresh baby corn in Ca? Thanks.
|
Vrushs
| |
| | Saturday, September 22, 2007 - 4:02 am: |
|
|
मला सुध्दा ताजे बेबी काॅर्न नाही दिसले बोस्टनमध्ये.
|
|
| चोखंदळ ग्राहक |
|
| महाराष्ट्र धर्म वाढवावा |
|
| व्यक्तिपासून वल्लीपर्यंत |
|
| पांढर्‍यावरचे काळे |
|
| गावातल्या गावात |
|
| तंत्रलेल्या मंत्रबनात |
|
| आरोह अवरोह |
|
| शुभंकरोती कल्याणम् |
|
| विखुरलेले मोती |
|
|
|
| हितगुज गणेशोत्सव २००६ |
|
|